張達明現身華鼎獎，獲頒發「觀眾最喜愛影視明星」獎。
藝人張達明獲得第24屆華鼎中國百強電視劇頒發的「觀眾最喜愛影視明星」獎，張達明在台上獲獎時表示這個獎是他的救命符，因為大家都知道他生病生得很重，但多得很多朋友鼓勵，令他每日充滿力量及有更好作品。
吳鎮宇帶睇唔同醫生
其後他在台後接受訪問時，走路一拐一拐，他解釋：「我行樓梯會腳痹，企唔穩，會左右搖，上個月跟周潤發行山，喺斜路嘅時候有少少溪水都跣低咗，後來周潤發拖住我行，好感動，之後我都有跟周潤發跑步，都試過跑足25分鐘無停過。（點解戴黑超出席？）因為我凌晨三點起身開工，所以眼腫。（你嘅病情點？）基本上癌症嚟講冇乜事，因為西醫角色嚟講，五年冇復發就ok，依家都第六年，因為我食得太多藥，所以其他細胞都未必會咁好，好感動好多朋友鼓勵我，好似吳鎮宇好關心我，同帶我睇唔同醫生，好多謝佢。」
另外，而藝人俞灝明、付辛博、郭少芸、林保怡、李依曉、苑瓊丹、關智斌等同獲「觀眾最喜愛影視明星」。
來源 source: http://hk.on.cc
|
鍾意就快D Share啦！
|
|
|
