「農夫十八歲生日快樂演唱會」有重量級嘉賓！
「農夫十八歲生日快樂演唱會」今晚在旺角麥花臣場館舉行第3場，開騷前農夫一如上次玩迎賓，已宣布「金盆𠺘口」的黃子華專程來捧場，並被安排上台與2人合照。當「子華神」現身上台，全場觀眾驚呼狂叫，子華亦好識做即向二人雙手作拜，C君即問子華：「今晚你打算復出？」全場再瘋狂尖叫，子華說：「今晚我帶咗羅金榮嚟，佢啱啱出歌。」子華對好友說：「有宣傳好做，佢哋（農夫）唔會畀免費騷你睇，講番半粒鐘先啦。」C君笑言：「係就好做好多喇，我哋可以去休息吓先。」
C君請子華留步合照，子華繼續笑言：「都話冇免費騷睇，每次都要做啲嘢，旺角最古惑嘅兩個喺呢到，不如叫晒台下嘅人上台啦，得我哋幾個咁冷清。」子華的神回覆搞到農夫冇聲出，子華都即刻救場：「唔好意思講錯嘢。」未正式開騷已經引到全場爆笑。
來源 source: http://hk.on.cc
|
鍾意就快D Share啦！
|
|
|
