掃呢頁CODE去手機

2018年11月11日 星期日

【爆相爆片】寶琳堅毅鼠用電梯「健身」 喺下行電梯往上爬 __,爆相爆片,

老鼠不停於電梯上彈跳,乘客退避三舍。(讀者馬小姐提供)
正所謂「逆水行舟,不進則退」,呢個大道理,唔係人人都做得到,但估唔到港鐵寶琳站有隻米奇(老鼠),比人類更有毅力同慧根,好努力往上爬,雖然行前十步就會褪 ...


正所謂「逆水行舟,不進則退」,呢個大道理,唔係人人都做得到,但估唔到港鐵寶琳站有隻米奇(老鼠),比人類更有毅力同慧根,好努力往上爬,雖然行前十步就會褪返三、五、七步,但都冇人類可以阻止佢向上爬嘅慾望,就算嚇到唔少人走夾唔頭,都毫不退縮。



馬小姐上周五晚(10日)近10點喺寶琳站閘外通往商場嘅扶手電梯往下行,打算去搭港鐵,突然間眼角瞄到腳邊有啲嘢彈吓彈吓,望真啲就嚇一嚇,竟然係一直努力向上爬嘅米奇。眼明手快嘅馬小姐,好快就衝到落電梯底,舉機拍攝。



由馬小姐提供嘅片段見到,隻米奇一直喺電梯嘅右方,不停又彈又跳,好努力往上前進,但係礙於體型所限,堅持跟不上速度,佢難得跳上一級,電梯又馬上將佢送返落去,就咁彈吓彈吓都原地踏步,小記都好佩服佢咁堅持,但佢嘅舉動真係嚇親唔少人,乘客都行埋一邊避開,更加有女士調轉頭,向電梯嘅頂部走,同隻米奇一樣逆水行舟。



港鐵回覆指,當晚寶琳站職員接獲乘客通知,話A出口電梯發現老鼠,已即時安排清潔工處理及消毒,承辦商翌日凌晨亦已安排清潔,港鐵相信老鼠由站外進入,強調一直重視站衛生情況,已提醒職員加強留意。



你敢爆,我敢獎! 立即WhatsApp《蘋果》24小時爆相爆片熱線致電:63836568




鍾意就快D Share啦!