掃呢頁CODE去手機

2018年11月17日 星期六

歐洲國家聯賽:【有片】擺明唔妥你!尼馬卡雲尼火爆埋牙 __,尼馬,

不是冤家不聚頭!巴黎聖日耳門(PSG)兩大球星尼馬同卡雲尼,唔妥對方已經係公開秘密,由爭射12碼、唔肯互相傳波到射門爭食,連串舉動已經「畫公仔畫出腸」 ...




不是冤家不聚頭!巴黎聖日耳門(PSG)兩大球星尼馬同卡雲尼,唔妥對方已經係公開秘密,由爭射12碼、唔肯互相傳波到射門爭食,連串舉動已經「畫公仔畫出腸」,不過話晒都叫做「隊友」,點都唔可以做得太過份。不過周六(17號)喺英國舉行嘅熱身賽就「機會嚟啦」,尼馬率領巴西大戰卡雲尼領銜嘅烏拉圭,2大射手各為其主,可以名正言順開拖,結果亦冇令「花生友」失望,比賽期間火爆埋牙,認真精彩!

當比賽去到85分鐘,當時巴西已經由尼馬射入12碼領先1比0,巴西隊繼續由尼馬左路引球發動進攻,卡雲尼唔知係咪嫌隊友踢得太斯文,竟然走返嚟右後防位置幫手,二話不說就踢落全速突破嘅尼馬度,搞到對方痛苦碌地。雖然尼馬出晒名係「碌神」,不過今次冇人會怪佢扮嘢,事關卡雲尼出腳的確好狠,球證亦第1時間向佢出示黃牌警告,最搞笑係卡雲尼同幾名隊友仲圍住球證理論,覺得自己好無辜。

呢場火爆埋牙戲仲未完,卡雲尼嘈完球證之後,扮晒嘢咁番去想扶起尼馬,「戲王」尼馬當然輕易識穿「貓哭老鼠」嘅橋段,火滾Fing開卡雲尼隻「友誼之手」,卡雲尼隨即將個波輕輕掟落尼馬個身,然後一邊「怒睥」一邊口噏噏。尼馬同卡雲尼舊仇未了又添新恨,睇怕都好難長期合作落去囉!

東網體育FB同你追實體壇每個精彩時刻!

http://bit.ly/2ecTF2A 

支持本地運動員,一齊去「睇體」!

https://bit.ly/2DxX4XI 


來源 source: http://hk.on.cc
鍾意就快D Share啦!