【本報訊】藍潔瑛猝逝消息傳出後，不少人感可惜之餘，亦認為是一種解脫。有消息指早年有不少圈中好友出錢出力資助她，直至發現藍潔瑛染上惡習，精神狀態又出事，圈中好友才開始遠離她。
指藍夢想做歌手
在藍潔瑛最後歲月，密友楊曼莉一直給予支持照顧，對好友猝逝，楊曼莉在微博留言：「藍姐，懷念與您一起唱歌，吃飯，逛街的日子。祈願天國沒有欺凌，一路走好。」其後她接受《蘋果》電話訪問時稱：「喺移民前託咗佢啲影迷去幫手照顧佢，仲有幫手籌啲生活費畀佢，我哋有電話聯絡，不過佢話呢幾年生活過得唔係好好。」
問楊曼莉有否與藍潔瑛的家人聯絡？她說：「有，但係其他嘢唔方便講太多，要徵詢咗佢家屬嘅意見。」對於與藍潔瑛相處的軼事，楊說：「真係有好多難忘嘅事。佢係一個好善良、有智慧嘅人，好喜歡唱歌，一直夢想做個歌手，我仲試過陪佢去唱片公司試音，不過最後唔成功，可能負面新聞太多，但係佢把聲係屬於女中音，很難得嘅磁性好聲音，做唔成歌手實在好可惜。」
至昨晚約9點，《蘋果》發現楊在藍潔瑛住所樓下現身。楊透露今年農曆新年時曾與藍見面：「佢咳得好犀利，需要接濟。佢呢幾個月精神好似好啲。」她又指上月曾傾電話：「佢又咳、又話冇錢。」
■記者何慧斯
|
鍾意就快D Share啦！
|
|
|
