掃呢頁CODE去手機

2018年12月1日 星期六

【廿四孝老公】老婆大人買波鞋 張達倫做湊仔公陪囝囝學行 __,張達倫,

張達倫捉實囝囝手仔等佢學行。(攝影:梁繼光、黃曉程)
現年40歲嘅張達倫,係黎芷珊舊愛,一直默默耕耘嘅佢,早幾年憑處境劇《愛·回家》飾演律師「嚴謹」而開始令觀眾認識。張達倫12年同拍拖8年女友黎芷珊分手後 ...


現年40歲嘅張達倫,係黎芷珊舊愛,一直默默耕耘嘅佢,早幾年憑處境劇《愛·回家》飾演律師「嚴謹」而開始令觀眾認識。張達倫12年同拍拖8年女友黎芷珊分手後,喺前年11月同圈外女友兼中學同學Kimmy結婚,舊年10月Kimmy仲為張達倫生咗個囝囝Zachary,唔經唔覺已經一歲。



雖然張達倫拍劇經常日夜顛倒,但佢一有時間都會陪囝囝享受吓親子樂。好似日前《蘋果》記者就見張達倫同老婆及囝囝去旺角波鞋街行街,但佢今次係做湊仔公,用孭帶孭囝囝,等老婆可以專心揀波鞋,呢個老公真體貼。



當晚7點幾,張達倫孭住囝囝陪老婆睇波鞋,佢哋喺櫃窗望完一輪之後,老婆Kimmy就走入舖頭試鞋。點知試鞋期間Zachary有啲唔耐煩,要落地行,張達倫於是放低囝囝行幾步,然後小心翼翼扶住個仔,繼而再放手畀個仔行幾步後又扶住,由舖頭裡邊行到舖頭外面,睇張達倫個樣,係好enjoy成個過程。期間有人認得張達倫,都主動同張達倫打招呼及同佢個仔玩。至於Kimmy試鞋試咗10幾分鐘,但最後因為冇size而空手離開。



精選娛聞,喺晒《娛果》

http://fb.com/appledailyent



張達倫捉實囝囝手仔等佢學行。(攝影:梁繼光、黃曉程) 陪太太Kimmy睇波鞋。 陪太太Kimmy睇波鞋。
張達倫用孭帶孭囝囝。

張達倫用孭帶孭囝囝。
Kimmy睇波鞋期間,囝囝唔耐煩要落地行。

Kimmy睇波鞋期間,囝囝唔耐煩要落地行。
囝囝由舖頭行出街外。

囝囝由舖頭行出街外。
張達倫全程好enjoy。

張達倫全程好enjoy。

鍾意就快D Share啦!