【食團年飯】黃智賢一拖四女飯聚 呢位少女係邊個？ __,黃智賢,

黃智賢（Ben）噚晚好大膽一拖四位美女飯聚，佢仲不避嫌喺Ig度貼合照，不過佢老婆應該唔會扭佢耳仔，事關呢四位美女係3年前劇集《親親我好媽》嚴家一家人， ...

黃智賢（Ben）噚晚好大膽一拖四位美女飯聚，佢仲不避嫌喺Ig度貼合照，不過佢老婆應該唔會扭佢耳仔，事關呢四位美女係3年前劇集《親親我好媽》嚴家一家人，分別係飾演佢老婆嘅江美儀，同佢兩個女江嘉敏同熊子逸，仲有演江嘉敏童年嘅小童星。

Ben仲將3年前佢哋嘅「全家福」作比拼，睇番3個女都大個晒，好似江嘉敏首次拍呢套《親》劇後，就加入埋大台，o依家仲成為大台小花。至於大個咗好多嘅熊子逸，今年已經14歲，成個美少女咁，o依家識打扮之外，仲經常喺Ig騷長腿晒相，佢o依家喺外國讀緊書，相信佢近日放假返香港。

見到呢三個女大個晒，Ben都好安慰咁留言話︰「嚴家三年前，三年後，親親我好媽，團年飯，妳們都亭亭玉立了。」至於江美儀都有貼相，仲寫住︰「齊人啦，齊人啦。嚴家終於一家人齊齊整整食團年飯」

精選娛聞，喺晒《娛果》

http://fb.com/appledailyent

（ig圖片）	黃智賢貼咗呢張三年前同三年後嘅「嚴家」合照。（ig圖片）	 江美儀都有貼相，三個女都大個好多。（ig圖片）
 其中14歲嘅熊子逸，大個女唔同晒。（ig圖片）	 不時騷長腿。（ig圖片）	 大個女識打扮咗。（ig圖片）

來源 source: http://hk.entertainment.appledaily.com

鍾意就快D Share啦！

下一篇 》