【台慶邊個最爆？】谷胸張曦雯遇怪風搶鏡 同事見陳煒「嘩嘩聲」 __,張曦雯,陳煒,

今晚係無綫《萬千星輝頒獎典禮2018》，行紅地毯梗係要扮靚啲，而今年最吸睛可以話係「煒哥」陳煒，一襲交叉心口開大窿晚裝，仲配戴咗價值500萬元珠寶首飾 ...

今晚係無綫《萬千星輝頒獎典禮2018》，行紅地毯梗係要扮靚啲，而今年最吸睛可以話係「煒哥」陳煒，一襲交叉心口開大窿晚裝，仲配戴咗價值500萬元珠寶首飾，與胡定欣一齊出場，一眾小花都要靠邊站。

相關新聞：【希望今年唔使天然呆】黃心穎性感經男友批准 唐詩詠每年都投馬明做視帝

煒哥被指全場至爆，佢笑笑口話﹕「好靚，好高貴呀，我都好鍾意。呢個cutting我未着過，吸引好多人眼球，個個同事見到我都嘩嘩聲，好成功！」問到擔唔擔心走光？佢話﹕「唔坐低就唔怕，企直OK嘅，所以等陣都會換衫。」煒哥憑《宮心計2深宮計》成為視后大熱，佢話﹕「有信心，緊張咗好耐，反而今日心情放鬆啲，開心迎接頒獎禮。」有冇諗定得獎感受？佢話﹕「冇，要多謝嘅名單都有諗，但就冇度稿去講啲乜。」

上次台慶亮燈，自爆冇着底褲嘅馮盈盈今次以一襲高貴嘅白色tube dress現身，與姚子羚嘅閃片Deep V裙同樣搶鏡。而張曦雯除咗低胸露事業線，條裙仲開叉，一陣怪風令佢條裙吹起咗，狀甚狼狽。

相關新聞：【已諗定得獎謝詞】《BB來了》成視后大熱 李佳芯有信心攞獎

精選娛聞，喺晒《娛果》

http://fb.com/appledailyent

陳煒全場最性感	煒哥話有信心攞視后	 (左起)陳庭欣、楊秀惠、湯洛雯
 陳庭欣唔小心Kick親	 湯洛雯着透視裝	 康華有兩位靚仔陪出場
 張曦雯被一陣怪風搞到好尷尬	 谷胸出場	 家燕姐都輕露事業線
 高海寧玩露背，與馬國明一齊登場。	 馮盈盈與張振朗	 (左起)江嘉敏、何廣沛同陳瀅

來源 source: http://hk.entertainment.appledaily.com

鍾意就快D Share啦！

下一篇 》