金像獎導演林嶺東今日在家中猝逝，終年63歲，消息震驚娛樂圈。
林嶺東於80年代憑《風雲》系列電影成名，87年他憑電影《龍虎風雲》奪香港電影金像獎最佳導演，而周潤發則憑這部電影奪影帝。對於林嶺東突然撒手人寰，發嫂接受《蘋果》電話訪問愕然表示：「做乜咁突然！佢同發哥30幾年友情，情如手足，從未聽過佢有乜病，老公成日話阿東係好導演，要求超高，稍一不留神真係命都冇，對佢真係又愛又恨！老公剛開完工睡了，明天同佢講，免得佢知道後就瞓唔到，聽日又要做嘢！」
原來林嶺東最初入行是考入無綫藝員訓練班，跟發哥是同一屆學員，兩人識於微時，交情深厚，當年發哥接拍《監獄風雲2》，其中有場落水戲，發哥幾乎被海水沖落海，險象環生，當時發哥曾戲言，鬧林嶺東拍戲收賣人命！
而林嶺東生前接受訪問，談到有否興趣轉到幕前？他笑說：「我威嘅時候你唔知，我第3期出嚟就做男主角，嗰陣周潤發都係企側邊，好彩我退出咋，我唔知道撈演員咁好搵，如果唔係我老虎都捱落去啦，片酬又高，做乜鬼導演吖！」林太晚上回覆蘋果表示：「多謝關心！我冇嘢可以講，請畀多啲空間我同屋企人！」劉青雲回覆《蘋果》時表示事件發生得太突然，未就事件回應。
今日下午4時許，馬鞍山帝琴灣凱琴居一名女子報案，指其63歲姓林丈夫倒卧床上。救護員接報到場，證實林嶺東已氣絕身亡。警方經初步調查，相信事件沒有可疑，死因有待驗屍後確定。
|
鍾意就快D Share啦！
|
|
|
