掃呢頁CODE去手機

2018年12月4日 星期二

《大帥哥》:《大帥哥》爆新金句 張衞健揸蔡思貝籮柚 __,張衞健,蔡思貝,

有張衞健點可以冇金句呀!《大帥哥》今晚終於首播喇!一開頭張衞健已經霸氣出場,仲以光速讀出唔少對白,字字鏗鏘!而女主角之一嘅蔡思貝亦喺首集出場,仲假扮演 ...


有張衞健點可以冇金句呀!


《大帥哥》今晚終於首播喇!一開頭張衞健已經霸氣出場,仲以光速讀出唔少對白,字字鏗鏘!而女主角之一嘅蔡思貝亦喺首集出場,仲假扮演奏樂隊嚟刺殺張衞健,思貝仲發揮「發電機」本色,而張衞健就獸性大發唔只打對方Pat Pat,仲使出龍抓手玩揸籮,思貝都唔弱,摸張衞健支槍仲搶埋添!

不過最後蔡思貝行兇不成,仲畀張衞健放走,身份相當神秘!而一直大家都以為係大帥哥嘅張衞健原來係披着羊皮的狼,只係「假大帥」,準備被真大帥蒙大同處決,張衞健、洪永城、徐榮及李嘉決定逃走!喺後段,蔡思貝得悉四人唔係壞人伸出援手,不過佢哋返去大帥府「報仇」,四兄弟仲情緒高漲,玩埋廣東俚語歌「命注定,運難卜,三衰六旺好難捉;仙灑脫,凡人俗,犯規和尚食狗肉;陽壽盡,落陰谷,生老病死乃定局」!當然,有張衞健就肯定有金句,繼「型到跌渣」後,今次爆出嘅係:「就算死都要死得夠型,型到噴汁!」

今集亦翻炒佢N年前拍過《小寶與康熙》中韋小寶嘅口頭禪「涼風有信,秋月無邊。虧我思嬌情緒,好比度日如年,雖則我唔係玉樹臨風,瀟灑倜儻,但我有廣闊既胸襟,加強勁嘅臂彎。」網民都話好期待佢呢套劇會有幾多金句成為經典呀!


來源 source: http://hk.on.cc
鍾意就快D Share啦!