掃呢頁CODE去手機

2018年12月28日 星期五

洪永城:免洪永城介紹女友 蕭正楠:都唔知呢個幾耐 __,洪永城,蕭正楠,

蕭正楠叫洪永城要帶女友梁諾妍見吓呢個世界!最近蜜運中的藝人洪永城(Tony)昨日與蕭正楠(Edwin)、何遠東等到屯門拍攝TVB新劇《黃金有罪》,眾人 ...


蕭正楠叫洪永城要帶女友梁諾妍見吓呢個世界!


最近蜜運中的藝人洪永城(Tony)昨日與蕭正楠(Edwin)、何遠東等到屯門拍攝TVB新劇《黃金有罪》,眾人以70年代打扮開工,劇中Tony及Edwin大展籃球技術,引得三位美女鄧以婷、吳沚默及李松蔓(前名李天縱)拍掌歡呼。

翠如出口老公出手

球技了得的Tony表示以前在新西蘭有代表區出賽,問到運動型女友梁諾妍可有見過他打籃球?他笑說:「未!睇咗我驚佢會再愛我多啲!」嚇得Edwin急急扮走!問到除夕可有安排慶祝活動?Edwin表示太太黃翠如提議他炮製日式火鍋:「佢講完咪又係我煮!(預埋Tony?)可以!食淨啲嘢畀佢,或者留番啲骨頭,放喺門口叫佢拎。」問Tony可會想跟女友二人世界過拍拖後第一個除夕?他表示未有想法:「都唔一定要兩個人,可以約朋友。(會出街倒數?)又唔係特別有興趣喎。」此時Edwin說:「唔好淨係帶人返屋企,要帶佢見吓呢個世界㗎嘛!」

希望佢唔好辜負人

Edwin又指戥Tony找到女友開心,並笑說:「希望佢認認真真,唔好辜負人哋時間,都好戥佢開心嘅,大時大節唔使做孤兒仔,又唔使冤住啲朋友。(佢有冇騷女友啲相?)之前冇,近期開始有,話佢女友成日跑步,好健康。」Tony即表示拍拖很低調,很少公開讚女友,Edwin再加把口笑說:「我哋都唔會刻意叫佢介紹,都唔知呢個幾耐,如果介紹完,下次見又唔係呢個就……」Tony說:「我唔反駁喇!交畀時間,真實嘅行動會搞掂呢啲謠言!」

何遠東爆分外風騷

劇中何遠東以鹹魚、冬菇及蝦米追女仔,飾演海味舖少東的他笑言若出動貴價花膠可能有效,又大爆Tony有拖拍後分外風騷:「令我羨慕又妒忌,佢搵到個咁好嘅女仔,我都鍾意運動型。(佢平時有冇講起女友?)有聽到佢講啲冧嘢,但詳情唔講喇!」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!