掃呢頁CODE去手機

2018年12月26日 星期三

鍾欣潼:阿Sa長腿超驚人!阿嬌婚後即撇老公過聖誕 __,蔡卓妍,鍾欣潼,阿Sa,阿嬌,

阿嬌(右圖中)做人妻第一個聖誕竟然唔係同老公賴弘國過?尋日係聖誕節,啱啱結完婚嘅鍾欣潼(阿嬌)竟然撇甩老公賴弘國?阿嬌喺社交網上載照片,不過冇老公份, ...


阿嬌(右圖中)做人妻第一個聖誕竟然唔係同老公賴弘國過?


尋日係聖誕節,啱啱結完婚嘅鍾欣潼(阿嬌)竟然撇甩老公賴弘國?阿嬌喺社交網上載照片,不過冇老公份,原來佢同班「金蘭姊妹」過節噃!佢哋就係蔡卓妍(阿Sa)、容祖兒同埋霍汶希(Mani),雖然冇夾過dress code,但同樣着上勁有聖誕氣氛嘅紅色同粉紅色衫,阿Sa上載合照,留言:「聖誕節一定要同最愛嘅人一齊渡(度)過💕今年我哋嘅聖誕禮物 係『金蘭姊妹』頸鏈 呢條頸鏈一定帶足一世 愛足一世」一人一條頸鏈,真係好姊妹喇!而另外一個亮點,就係阿Sa嘅驚人長腿,目測46吋,冇得輸呀!網民都大讚「長腿Sa」、「影到你好高」,不過「英皇龍虎豹蛇」獨缺鄭希怡,認真可惜!

咁賴弘國去咗邊呢?佢亦有上載同嬌妻及媒人合照,不過相中嘅阿嬌係着住黑色衫,同媒人阿信食飯時嘅衣着一樣,仲tag住喺台灣,咁即係唔係一齊過聖誕?佢留言:「Merry Xmas #happiness #媒人婆不要擋到我肌肉」見佢戴住頂party帽,睇嚟玩得好開心!

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!