熱爆娛樂: 【1吋血痕】B仔跌倒傷眼角高齡媽咪車婉婉勁心痛 _

2019年1月13日星期日

車婉婉於前年42歲高齡初為人母，為混血老公Jonathon Quinlan誕下8磅9安士B仔，乳名「BBQ」嘅寶貝混血B快滿2歲，今日婉婉在社交網貼為BBQ碌雞蛋短片，原來上個禮拜日，BBQ唔小心跌倒受傷，右眼角有條1吋長血痕，又紅又腫，慘慘豬！

婉婉在社交網寫道：「高齡日誌之意外，星期天早上，BBQ失平衡弄傷了，應該好痛，因為佢喊咗好耐，好彩眼睛無事，Q MaMa只為BBQ洗好傷口，不敢放任何藥膏，因為太近眼睛了，希望碌雞蛋能讓他快點散瘀。」婉婉用古老方法為兒子散瘀，佢仲呼籲網民建議好方法，仲話自己好肉痛。

之後婉婉再貼BBQ爆喊相，寫道：「高齡日誌之受了教訓，Q MaMa今天要繼續拍攝工作，臨出門時BBQ傷口突然痛起來，心痛Q MaMa盡力安撫之餘，還要囑咐BBQ要小心，不要再爬上爬落，不要弄傷自己了！可憐的BBQ，Q PaPa會在家中照顧你，MaMa會努力完成工作，好快回家陪你。」

婉婉仲話囝囝成日整到隻眼附近，真係好得人驚，因為自己要離家工作，令佢好心掛掛，惟有自我安慰：「BBQ在跌撞中成長，跌吓跌吓就長大，多謝大家都肉痛BBQ！」

精選娛聞，喺晒《娛果》

http://fb.com/appledailyent

(ig圖片)	婉婉B仔BBQ跌倒撞傷眼角。(ig圖片)	 BBQ爆喊到收唔到聲。(ig圖片)
 因為太近眼睛，所以佢唔敢用藥膏。(ig圖片)	 (ig圖片)

鍾意就快D Share啦！