係愛呀！
藝人岑麗香、陳家樂與荷里活廣場助理董事兼總經理梁淑敏小姐在鑽石山荷里活廣場為「枊井金魚春日祭」進行揭幕禮。化住六個月豬BB的岑麗香以紅色Tube Dress裙亮相，穿上5吋厚底高踭鞋亮相的她健步如飛，行得相當穩妥，她說：「呢對鞋練過好多次，同埋粗踭安全啲，OK嘅。」
香香透露老公強強返了加拿大工作，但會在新年前趕回來過年。她指今年會多封利是，因上年有很大收穫，對她是很大的祝福，今年也會勤力封利送祝福給大家。岑麗香指身體狀況不錯，只是近日有少許作病，已看醫生要吃藥，她說：「強強當然擔心，但係冇事，OK 嘅，BB成日好強咁踼，所以知道冇事，反而佢強過我好多，真係一個『強強BB』嚟，哈哈。」
活動期間，岑麗香接受為公仔BB換片、着衫挑戰，這位準媽媽有板有眼，她說：「都有做好多research，又上網睇片、又準備上堂，朋友仲借咗好多書畀我，慢慢儲定智識。強強仲好叻仔，佢book咗育嬰班同我一齊上堂，呢段時間佢好落力幫我處理所有嘢，依家好易攰，好多嘢都要靠佢。」
來源 source: http://hk.on.cc
|
鍾意就快D Share啦！
|
|
|
