舊年9月中秋當晚，有傳大陸女星張雨綺同當時嘅老公袁巴元初則口角繼而動武，幾日後，張雨綺就透過經理人發聲明，宣佈同袁巴元協議離婚。嗱，日前又傳袁巴元喺朋友圈認同「前妻」一齊生活之後，而張雨綺又喺微博話「一個單身女人是可以接受全世界單身男人的追求的，包括她的前夫」，令人覺得佢哋有機會復合嘅時候，噚日又有峰迴路轉嘅情況發生，就係袁巴元噚日又喺朋友圈度，爆出前妻同識咗2日嘅男人開房，仲直指前妻已經唔係第一次添！
袁巴元噚日喺朋友圈出咗段文，內容大致係承認同前妻一齊生活，但佢就話噚晚（即前晚），前妻又同個識咗2日嘅男人喺上海一間酒店開房，更直指呢個係前妻一唔高興時嘅風格。「這就是她一慣的風格，離婚前也一樣，只要自己爽從不顧及別人的感受，特別是小孩是不顧，這也是我要離婚的原因和我們之間的最後結局，今天聲明一下我們之間沒有任何感情上的關係，雨綺小姐也可以光明正大地去浪吧！」
雖然袁巴元冇開名話張雨綺同乜嘢人開房，但佢就同時post咗「張錢豪」呢個名出嚟，原來呢位張生係天厚投資Tophold創始人、CEO，有10年華爾街投資經驗。
咁都仲不特止，佢仲post出兩人私下嘅對話截圖，內容除咗有袁巴元話唔想再同張雨綺來往、又直言對方過去冇一段感情係長，但最爆嘅係，佢仲有話張雨綺有臭狐添。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
