現年79歲的吳耀漢，前晚與太太、兒子吳嘉龍及其女友出席首映，為主演的電影撐場。吳耀漢受訪時自揭目前患上腎衰竭，腎功能只剩一成左右，以後每日要洗肚（腹膜透析）四次，排除身體毒素續命。雖然身罹頑疾，但吳耀漢依然樂觀面對，更明言不會放棄電影：「拍戲係我人生樂趣。」
相關新聞：【蘋聞重溫】片酬買別墅收租
吳耀漢、洪金寶、恬妞主演的賀歲片《如珠如寶》，前晚在九龍塘舉行首映禮，79歲的吳耀漢由太太、兒子吳嘉龍及女友陪同到場。吳耀漢接受訪問時透露因為腎衰竭，要每日做洗肚（腹膜透析）排毒。吳耀漢透露早在兩星期前已經入院，做手術植入喉管，以後每日要在家洗肚四次，每次洗一個鐘，所以要暫時全面休息，預計兩星期後可以復工。
| | |
捱即食麵惹禍
吳耀漢昨日再接受《蘋果》電話訪問，從語調中感覺到他積極面對疾病，談到腎病由來，他說：「係呀，我哋嘅（拍戲）生涯咁多年食飯盒、即食麵、快餐，唔多唔少，有好大影響囉。」他透露早三、四年前做身體檢查時，已經發現肝酵素等指數升高，去年證實腎功能只餘兩成，到今年情況更嚴峻，目前只餘一成腎功能，所以要洗肚排毒。
吳耀漢說：「當時聽到呢個消息，第一個反應就真係『嘩！死火嘞，咁嚴重！』屋企人都幾驚。醫生解釋話好多人都有呢個病，我話好多人有，唔代表唔驚，只不過係好多人一齊驚箒。當然佢解釋完係好啲，知道唔會即刻瓜老襯。」雖然每日洗肚的程序頗折磨人，但他自言不會因此放棄拍戲：「如果可以配合到啲時間，我最多可以同你一日直落拍8個鐘，一樣可以做到嘢。我唔會因為呢個問題而冇咗興趣去拍戲，事實上拍戲係我人生樂趣，好在仲有樂趣。」
吳耀漢透露前日才剛拆線，最初會先到醫院洗肚，之後會在家自己進行，談到移植器官的可行性，他說：「醫生話諗都唔使諗換腎，年紀太大。𠵱家身體係虛弱咗，要更加小心，最緊要唔好畀佢有細菌感染，好容易腹膜炎。」
相關新聞：【蘋聞重溫】大劉換腎成功見起色
醫院洗血爆棚
至於另一種俗稱洗血（又稱血液透析）的洗腎方法，吳耀漢指目前無論政府醫院或者是私立醫院都已經爆滿：「有錢都未必有人同你洗，原來問題係嚴重到咁，香港好多人有腎病。多到連啲醫院都應付唔切，book咗時間千祈唔好去唔到，去唔到就搵唔番第二個時間，而且費用好犀利，幾千蚊洗一次，一個禮拜兩次。」
兒子吳嘉龍在首映禮時表示很擔心父親吳耀漢身體：「最緊要佢舒服，整個家庭都好關心佢，全部人都會睇住佢。」吳嘉龍不忘跟父親開玩笑，直言復工後人工要調高一點，吳耀漢也說工作時間不宜太長，醫生忠告6至7個小時便要停。
採訪：卓寶花
攝影：葉君海
|
鍾意就快D Share啦！
|
|
|
