馮盈盈憑住個靚樣、港大高學歷，加上語出驚人夠出位。有性博士之稱嘅佢一直都受到網民吹捧，話佢又靚講嘢又貼地。但佢近日為拍戲而剪嘅新髮型，就嚇親一眾網民啊。
為拍劇，佢剪咗眉上瀏海，其實呢個髮型已經興咗一兩年時間，但真係唔係人人都駕馭到。對比起留長髮嘅馮盈盈，剪咗呢個眉上瀏海後佢又真係無以前咁靚，難怪網民反應咁大。一班網民都問點解佢要剪個咁嘅髮型，仲話想Unfollow佢添啊。雖然港姐冠軍都駕馭唔到呢個髮型，但其實有好多女星都留得好好睇。日本代表就有綾瀨遙同小松菜奈，兩個剪眉上瀏海反而更有氣質。而韓國代表就有李聖經同雪莉，一樣駕馭到呢個髮型，仲引起過熱潮。雖然馮盈盈又唔太襯呢個髮型，不過相信佢拍完戲就會留返長啲頭髮，一班網民唔使咁快Unfollow佢啊。
來源 source: http://nextplus.nextmedia.com
|
鍾意就快D Share啦！
|
|
|
