梁愛的丈夫左几，是60年代粵語片著名導演和編劇，作品包括《月宮寶盒》、《難兄難弟》和《一水隔天涯》等逾百部電影。任劍輝與白雪仙主演的《帝女花》也是左几執導，但因為他當年被列入黑名單，電影不能在台灣及星馬等地上映，才由龍圖掛名為導演。愛姐入行做演員，也是因為左几：「嗰時我做工廠妹，後期去片場做茄哩啡，拍吓拍吓就識到好多人，佢哋叫我做戲，我咪做囉。之後嫁咗個導演（左几），佢對我好好，我初出道藝名方虹，都係佢改嘅。」
後來左几加入亞視前身麗的電視，製作過不少膾炙人口的劇集。愛姐對丈夫的威水史侃侃而談：「我老公喺麗的電視時做過訓練班主任，又拍過電視劇《華龍探案》，又做過創作主任，《天蠶變》我老公有份度呢條橋，但佢唔喜歡出名，所以佢做過乜嘢都好少人知。其實《鱷魚淚》同《十大奇案》佢都有份度橋，麥當雄一有唔掂就去我哋屋企瞓覺，求我老公寫個劇本畀佢。」
相關新聞：鬥氣星爺 演乜都得
來源 source: http://hk.entertainment.appledaily.com
|
鍾意就快D Share啦！
|
|
|
