掃呢頁CODE去手機

2019年1月3日 星期四

【有型有要求的代價】麥秋成拍廣告Ng60次兼扭傷 __,麥秋成,

做完《全民造星》星級導師,麥秋成嘅人氣同班囝囝一樣直線標升,廣告一個接一個,最新拍咗個梳化廣告,喺入面每一個在梳化堆中的跳舞動作,全由他親自編排。為咗 ...




做完《全民造星》星級導師,麥秋成嘅人氣同班囝囝一樣直線標升,廣告一個接一個,最新拍咗個梳化廣告,喺入面每一個在梳化堆中的跳舞動作,全由他親自編排。為咗令畫面更有動感,係短短20秒嘅廣告入面,佢諗出好多高難度嘅跳躍同翻滾動作,即使係舞台上身經百戰又如何,人總有失手嘅時候。

其中一個動作,麥秋成要在一張三人梳化上「打關斗」,因為落點有偏差,腳踝位置一次又一次撞向梳化的手枕位置,麥秋成話:「因為成個廣告一shot直落,冇任何剪接位,開拍前同踩住電動滑板拍攝嘅攝影師,試晒位先roll機,我同導演對動作都有一定要求,所以前前後後拍咗六十幾個take,我印象拍到中段嘅時候,已經扭傷隻腳,但我一直無理,繼續拍落去。」

每次失手,佢都會摸住「痛腳」露出痛苦表情,工作人員叫他休息飲啖水,反而當事人就堅持話:「唔使、即嚟!」盡力拍好每個鏡頭。

除了扭傷腳踝,另一個在梳化滑動的動作,同樣令麥秋成的大髀變得瘀青。

「新一年,自己想做多少少幕前嘅工作,但幫人排舞同樣令我好大滿足感,剛剛嘅除夕夜,幫我好兄弟William陳偉霆喺《江蘇衛視跨年演唱會》演出,排咗一場十分鐘嘅舞蹈,以串燒形式跳唱四大天王嘅歌,可以排到一場好正嘅舞,觀眾睇完拍爛手掌,自己都好開心。」秋成說。

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!