藝人江若琳（Elanne）與老公「生煎包王」蕭潤邦（Oscar）今日現身活動，昨日Elanne在社交網站上載了一張相，相中的她看來肚凸凸，孕味濃，不少網友都留言問她是否有BB。今日Elanne澄清：「大家摸吓，我個肚勁扁勁瘦，仲係23吋纖腰，大家唔好誤會，我好努力做運動，明明係瘦咗，唔好刺激我，好多人都恭喜我。」
未必趕得切生豬B
Oscar笑言也有份致電恭喜老婆，他們坦言一直努力中，Oscar說：「以前諗住旅行嘅時候努力，不過每次去旅行就頭暈身㷫，所以都喺留喺香港努力，佢成日話生咩生肖嘅BB旺我哋，但我冇乜所謂。」Elanne坦言之前想生豬BB，因為旺父母，但發現可能未必趕得切，所以就安慰老公指出年鼠年，鼠BB旺對方。Oscar沒好氣地說：「講到我好失落咁，其實我冇，我身邊好多朋友嘅小朋友都幾歲，如果我哋嘅小朋友出世一定係集萬千寵愛，因為佢係最細，好多朋友都話留BB衫畀我哋，唔使花錢買。」
想生兩個小朋友
Elanne再次強調沒有懷孕，笑謂：「唔好屈我。不過以後影相會坐得好啲。我近年戒凍飲，好多時出街食飯都畀人懷疑我係咪有咗，打邊爐叫熱水飲真係會令人起疑。啲人話依家調理得好啲，將來生小朋友或產後都比較易調理。」Oscar指太太以前為工作，不太注重飲食，現在則會多運動及培養良好飲食習慣，但就勸對方不要經常講生仔經，以免給自己造成壓力：「佢經常會諗喺邊度生，請乜陪月，請幾多個鐘，咁反而好有壓力，其實唔需要，生仔要隨緣，我經常同佢講你有咗先諗，但佢就要好有計劃。」問到想生多少個小朋友，Elanne認為兩個最好：「一個太孤單，將來我哋有咩事或者百年歸老，佢哋都有兄弟姊妹陪伴，但生多過兩個就搞唔掂。」
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|
