掃呢頁CODE去手機

2019年2月26日 星期二

【契女指屋企好似俾人打劫】愛兒遺物被取走 陳百強媽咪:我對唔住阿強 __,陳百強,

 (網上圖片)
已故巨星陳百強(Danny)離世25年,家人在故鄉台山為他建紀念館,收藏Danny生前的靚衫、獎座、私人物品等;性格憂鬱的他,雖然生前跟父母緣薄,但很 ...


已故巨星陳百強(Danny)離世25年,家人在故鄉台山為他建紀念館,收藏Danny生前的靚衫、獎座、私人物品等;性格憂鬱的他,雖然生前跟父母緣薄,但很錫媽咪,痛失獨生子的陳媽媽,約20年前移居番禺,10年前不幸中風,身體較以前差了,但精神尚算不錯。



近日,《蘋果》收到讀者報料,並提供一條陳媽媽跟自稱契女對話的短片,讀者聲稱「相信幾批歌迷為爭取偶像物件發生問題,而台山展覽館很多陳百強珍藏品已不翼而飛!」從短片的對話中,契女對陳媽媽說:「阿媽,今日我上嚟,發現屋企啲嘢,觀音又唔見埋,成個飾櫃裏面啲嘢又唔見晒,裏面嘅水晶全部冇晒,仲有大嘅相框又唔見晒。」



據契女所指,質疑歌迷L於2月14日到訪陳媽媽家中,拿走了大批Danny的遺物,聲稱將於12月在大會堂搞展覽,契女問陳媽媽有沒有收到歌迷L的借據或租用大會堂搞展覽的文件?陳媽媽說:「冇」契女問陳媽媽:「咁到時佢唔畀返嚟,咁點辦?你唔驚㗎?」陳媽媽說:「驚㗎,我而家惟有日日追佢,打電話畀佢,頭先響過,但又收咗線,我惟有不停打電話,希望佢攞番啲嘢上嚟。」



陳媽媽強調:「我由頭到尾都冇話過願意畀佢,亦唔係賣畀佢,因為佢以前借過一次開展覽,上次展覽得好好,之後佢攞番晒嚟畀我,所以佢講我又借畀佢,就係咁樣。」接着契女叫陳媽媽對着鏡頭,向歌迷L追回Danny遺物:「唔該你攞番晒啲嘢畀我,因為咁樣做,我好對唔住阿強,好對唔住fans,你盡快攞番嚟畀我,到其時我再借過畀你用啦。」契女再問:「佢真係畀咗幾多錢你咁大把?」陳媽媽說:「畀乜啫,畀過100蚊利是我之嘛,我冇收過乜嘢錢,佢冇話借,只係話上嚟同我拜年,我知道呢樣嘢係我大意。」



而契女就指會將事件通知Danny同父異母的兄姐,她說:「屋企好似俾人洗劫一空,飾櫃啲嘢冇晒,相框冇晒,夠膽死連你(陳媽媽)房裏面牆上面掛住啲嘢都拆落嚟,所以我好氣憤,好似屋企俾人打劫一樣,好似有賊入屋。」



日前有人將這條短片上載到紀念Danny的社交網,fans紛紛留言:「點解要咁樣對老人家!丹尼會好傷心!」、「有冇咁過份呀」;另亦有fans質疑:「陳媽媽幾時有個契女?」《蘋果》向Danny的同父異母大哥陳百靈了解事件,他以短訊回覆:「呢件事我略有所聞,唔係好清楚,亦唔想知。」



精選娛聞,喺晒《娛果》

http://fb.com/appledailyent



第二屆最港電影大獎投票網址

https://bit.ly/thekongestfilmawards2018



10萬蚊 100人分!

星期一至五晚上10點半

《動腦Q》Let's Q the money!

http://bit.ly/2QW8LcI



【編輯推介】



【奧斯卡】《綠簿旅友》成最佳電影 Netflix自家電影《ROMA》奪最佳導演

http://bit.ly/2EwVFjn



【奧斯卡】華裔電影人出頭 致敬短片毋忘鄒文懷

http://bit.ly/2EuZHbQ



2019奧斯卡完整得獎名單

http://bit.ly/2Xn9BUr



【韓流】韓網民選最屎戲藝人 冠軍演技被彈令人失望

http://bit.ly/2BP4LGs



【神隱七年】為慈善現身準備三款貓紙 李珊珊手心筆跡洗唔甩

http://bit.ly/2XmYsTK



(網上圖片)  契女和陳媽媽拍片講述事件(短片截圖) 契女和陳媽媽拍片講述事件(短片截圖)
 陳媽媽說:「我好對唔住阿強,好對唔住fans。」(短片截圖)

陳媽媽說:「我好對唔住阿強,好對唔住fans。」(短片截圖)
 契女指陳媽媽家中的Danny大相框都被人取走(短片截圖)

契女指陳媽媽家中的Danny大相框都被人取走(短片截圖)
 陳媽媽位於番禺家中佈滿Danny的相片(短片截圖)

陳媽媽位於番禺家中佈滿Danny的相片(短片截圖)
 飾櫃裏的Danny遺物被人取走(短片截圖)

飾櫃裏的Danny遺物被人取走(短片截圖)
 觀音都被人取走(短片截圖)

觀音都被人取走(短片截圖)
 現年95歲的陳百強爸爸,去年坐輪椅出席活動。(資料圖片)

現年95歲的陳百強爸爸,去年坐輪椅出席活動。(資料圖片)
 去年11月,久未露面的陳媽媽來港出席活動。(資料圖片)

去年11月,久未露面的陳媽媽來港出席活動。(資料圖片)
Danny的同父異母大哥陳百靈指對事件略有所聞,但不想回應。(資料圖片)

Danny的同父異母大哥陳百靈指對事件略有所聞,但不想回應。(資料圖片)

鍾意就快D Share啦!