掃呢頁CODE去手機

2019年3月20日 星期三

【洗米華俾呢個情人攻冚】3歲洗米女善潼一見爸B洗米華相即讚 :好靚仔呀! __,周焯華,洗米華,

啲人成日話囡囡係爸爸嘅前世情人,真係無講錯,洗米女周善潼就係例子,喺手機見到爸爸周焯華張相,就已經忍唔住大讚:「好靚仔呀!」俾鍾意行型格路線嘅洗米華聽 ...




啲人成日話囡囡係爸爸嘅前世情人,真係無講錯,洗米女周善潼就係例子,喺手機見到爸爸周焯華張相,就已經忍唔住大讚:「好靚仔呀!」俾鍾意行型格路線嘅洗米華聽到個女咁樣讚法,一定冧死。

是咁的,洗米嫂Heidi陳慧玲不時都會拍低同囡囡嘅互動,最新片段中,囡囡善潼喺電話見到爸爸嘅相就咁樣講:「好靚呀!呢個係爸B嚟㗎?(係呀。)喺邊到影㗎?(你想唔想問吓佢?)嗯,好靚仔呀!」其他人或者係賣口乖,但善潼得3歲人仔,係最天真爛漫嘅年紀,自然唔識咩係「語言藝術」,加上佢口講「好靚仔」時,頭揈揈身體仲有律動添,堅係女士見到靚仔嗒糖時會有嘅自然反應,係真心讚美嚟㗎。

善潼雖然人仔細細,但天生把口啷過油,好識講嘢氹人,一啲都唔吝嗇讚美,仲成日都冧到媽咪Heidi暈得一陣陣:「媽咪媽咪,我日日都想拖著你,我唔想放開你隻手。想起身又拖,瞓覺又拖住你呀媽咪!I Love You。」唔當你掌心寶貝都唔得啦。


鍾意就快D Share啦!