結婚本是大喜之事，惟近日有網民因住屋問題，跟胞姊勢成水火，更公開咒她︰「祝你今次結唔成婚」，到底咩事咁大仇口？
該網民周四（21日）在討論區發貼，指兩個月前母親及家姐共同支付首期，購入一個400呎單位自住，如今三人共住並一起供樓，「以為捱咗咁耐終於可以轉換吓環境，有自己嘅空間」。
世事難料，他指胞姊忽然宣布下個月結婚，其未婚夫將一同遷入新居同住。這消息對該網友恍若晴天霹靂︰「400呎住4條友劏三間房會住得好辛苦」！
他的胞姊隨即提出大膽建議，著母親過了60大壽就入紙輪公屋，並強調：「好快有」。細佬頓時怒不可遏︰「我嬲到一個點，我同家姐鬧大交，仲差啲開拖」。
他怒斥︰「妳兩公婆塊臉皮成尺厚，完全冇考慮過我同阿媽嘅感受」。他更不滿未來姐夫「冇計劃就學人結婚」，更指其「冇學歷、冇工作資歷，又要冇儲蓄，咩都靠自己老竇老母……祝你今次結唔成婚」。
不少網民批評︰「男嗰個可唔可以有少少骨氣」、「照咁睇你家姐可能一早等緊呢個機會」、「屋企人都玩心計」。
有人則不認同︰「人哋（家姐）畀首期先大條道理，你又難啲同佢爭喎」、「掉返轉係你家姐立場，點解佢出一半（首期）唔可以有要求？」、「老土講句，你係黐人哋間屋住咋」。
---------------
《港呢啲》：大事小事騎呢事，東網嚴謹選題，輕鬆製作！
來源 source: http://hk.on.cc
|
鍾意就快D Share啦！
|
|
|