童星出身、憑36D超級「胸器」成為無綫「最強Body」的黃文意，雖然有個內地「LED燈大王」、身家坐擁逾10億元的富爸爸黃裕發，但她未有因而翹埋雙手唔憂做等運到！除了近年再自我增值、於香港大學攻讀比較文學及文化研究碩士課程外，她還在去年大搞護膚品生意兼開設三間分店，今年更正式簽約無綫做「親生女」，實行主持與拍劇雙線發展。不靠父蔭的她靠自己密密吸金，就連買樓都是一腳踢！
500呎一房一廳
有讀者爆料指早前目擊黃文意現身屯門新盤THE CARMEL的售樓處，雖然超額認購約10倍，但她依然成功抽中，並買入一個逾500萬元、約500呎一房一廳單位。據讀者提供的相片，當時穿樽領衫「封咪」現身的黃文意在售樓處又行又坐，一臉緊張，並不時拿着手機，該讀者笑說：「見佢喺咁篤手機個計數機，又打電話問人嘢！佢抽到真係好，我就抽唔到！」
據知，首次上車的黃文意「一筆過」自掏腰包大約130萬元做首期，為了新居更非常落本，早前被東網發現單拖現身中環，巡視多間室內設計公司及傢俬店。期間進入一間高級傢俬店，見她對店內一張標價約六萬元的梳化情有獨鍾，又摸又坐之餘，更拉着店員雞啄唔斷，其後非常專心地檢視看色版，未幾即簽卡埋單。她又巡視售賣擺設的鋪頭，但最後齋睇冇買。「咪神」依然腳力十足，由中環行落上環，並開始轉攻水晶店，期間對店內價值逾二萬元、有增強桃花功效的粉紅水晶「虎視眈眈」，拿起水晶又捽又摸，不夠十五分鐘，埋單即走！全程Shopping不足三小時，已花8萬大元！
「要為自己打算」
對於「自資」逾百萬元買樓，黃文意接受東網電話訪問時直認不諱：「咁大個女，我都要為自己打算！買樓前有同爸爸講，但我自己搞得掂，唔使擔心，佢聽我咁講都冇幫我。其實我嘅資金唔係好多，加上要留啲錢畀生意上周轉，所以冇打算一炮過買。筆首期唔單止係做護膚品生意賺返嚟，亦都係我廿幾年嚟嘅儲咗好耐嘅『私己錢』，有血有汗㗎！」
至於一口氣買6萬元梳化及2萬元水晶，她說：「其實我係好宅，一收工就返屋企，所以買張耐用、品質好嘅梳化，貴少少都冇所謂。（買粉紅水晶驅走爛桃花？）哈！我係有玩開水晶，如果有呢個功用，我當然唔拘」
|
鍾意就快D Share啦！
|
|
|
