藝人林峯、鄭嘉穎、譚耀文接受香港開電視主持馬梓軒（William）專訪，分享拍攝新戲《P風暴》點滴。談及戲中最Chok的一位，嘉穎直指非阿峯莫屬。初為人父的嘉穎，透露早於兩年前與阿譚合作音樂劇期間已嚮往當爸爸，但阿譚則反駁：「雖然你嚮往，但當時你話唔好搞我！」嘉穎笑言：「咁又唔係，只不過煮到埋嚟就食相信阿峯都係咁諗㗎啫係咪？啱timing，遇到啱嘅人就去做囉！」嘉穎更為兒子鄭承悅（Rafael）遺傳了自己的個性而哭笑不得：「我個仔有我啲脾氣，總之佢周身郁唔合作，你叫佢去東佢就去西，我希望佢會搣甩呢樣嘢！」
向來予人乖乖仔形象的阿峯，戲中與阿譚同演反派，更發現演反派樂趣多：「今次真係第一次嘗試演一個反派人物，我都同阿譚講原來演反派係咁過癮！」阿峯與女友張馨月現在拍拖時常被野生捕獲，阿峯卻甚少與傳媒分享感情事，為此阿峯解畫：「一部電影作品有咁多台前幕後嘅人，用咗咁多個月咁辛苦去拍，然後透過我地去宣傳作品時，如果將視線投放喺我嘅私人嘢，我覺得好唔專業！」最後阿峯強調，若自己將來成為人父，會很樂意跟大家分享家庭生活。
來源 source: http://hk.on.cc
|
鍾意就快D Share啦！
|
|
|
