掃呢頁CODE去手機

2019年3月1日 星期五

文凱玲:【無悔全裸】文凱玲想試悲情嘢要玩到最慘 __,文凱玲,

曾在電影作性感演出的文凱玲(Connie)吸納不少男Fans,近年她參演多套電視劇,演技多變,洗甩性感尤物的形象,她直言想挑戰更複雜的角色如抑鬱症患者 ...


曾在電影作性感演出的文凱玲(Connie)吸納不少男Fans,近年她參演多套電視劇,演技多變,洗甩性感尤物的形象,她直言想挑戰更複雜的角色如抑鬱症患者,盡力騷演技!

藝人Connie 2010年參選港姐入行,其後簽約電影人王晶旗下,拍過不少電影及電視劇,戲路多變,於《鴨王2》全裸上陣,在劇集《賭城群英會》飾演宅女小南,到《冒險王衛斯理:支離人》則換上一頭金色短髮扮殺手,早前播出的《荷里活有個大老千》中,她飾演粵語片女星明珠,演活60年代的感覺,獲得不少劇迷稱讚。

講到要扮演陳寶珠年代的角色,Connie直言演劇中的「戲中戲」時會特別參考當年的作品:「做法同平時有啲唔同,例如動作慢啲,講嘢前加個『A…』字,一Cut機個個都笑到碌地!大家拍得好開心,仲不停食,好在嗰個年代女仔興圓潤啲,唔使減肥!」她表示最難是拍該劇時剛好拍完《支離人》,故經常忘記要笑:「做殺手完全唔可以笑,嗰排都Cool咗,到拍《荷》劇時,導演不停提我『笑多啲!你已經唔係殺手喇!』都花咗啲時間適應。而我其實係戴假髮拍嘅,自己睇番覺得有啲『的水』有穿崩,好在大家都唔覺。」

望挑戰演技

不少網友期待Connie再有性感演出,今次《荷》劇中她亦有泳衣戲及扮兔女郎跳舞的戲份,她笑言其中一套泳衣已相當低胸,但男Fans當然未夠喉。講到曾於電影作超大膽演出,她直言不會後悔,但未必會再做:「唔會諗番轉頭,都冇得改,但OK嘅,冇當時嘅嘢又未必有其他機會,但係大家印象中我係比較性感,我想試啲新嘢,一路都較少演悲情角色,最想演情緒病、抑鬱呢啲考演技嘅角色。」講到今年大計,Connie表示想學攝影:「向來影相唔多,都想記錄多啲生活,以前覺得影得唔靚就冇再深究,依家想學,幫人或幫自己影都好。」

場地:南瀛水產/Barry@relaxdearhk

髮型:Tin Ngai

化妝:K_y_o_makeup

服裝:Lily Brown


來源 source: http://hk.on.cc
鍾意就快D Share啦!