真定假？猷君親自答咗大家喇…
賭王何鴻燊四房兒子何猷君今日被傳出即將做準爸爸，有消息指猷君早前搭飛機時，更在頭等艙自爆就快做老竇，指其30歲超模女友奚夢瑤有咗幾個月！東網就傳聞聯絡四太梁安琪：「佢冇同我講過呀，佢好蠱惑㗎，我印象中奚夢瑤去法國做騷，個仔陪佢去。（4月7日二人返港時有否見面？）有呀，一齊飲咗個茶。（覺唔覺得佢女友有咗？）冇喎，完全睇唔出。（猷君有否提起女友有孕？）冇，都唔知係唔係，我個仔一向都咁靈精怪。」
剛好上月四房千金超盈宣布有喜，會於年底誕下豬年BB，而去年秘婚嘅三房兒子何猷啟，前日更直認有個11個月大嘅餅印囡囡。若然猷君真係即將做老竇，今年何家真係喜事重重。
不過猷君之後透過簡訊否認傳聞：「What the fxxx？正在處理這個荒謬事情。」隨即佢就更新社交網，透露佢在機艙內與外籍空姐的英文對話，內容只係選擇飛機餐嘅普通對答，佢仲發文反問此對話「是如何變成親口說懷孕的？」令傳聞不攻自破。
來源 source: http://hk.on.cc
|
鍾意就快D Share啦！
|
|
|
