2019年4月4日 星期四

娛樂專題:【硬食導演老屈】江嘉敏變大喇叭有苦衷 __,江嘉敏,

原本嘅Kaman係好怕醜。現年24歲的「宅男女神」江嘉敏(Kaman)在娛圈「進化」驚人,短短5年間由平面模特兒跳入銀幕!性格率直的她,原來男仔頭非天 ...


原本嘅Kaman係好怕醜。


現年24歲的「宅男女神」江嘉敏(Kaman)在娛圈「進化」驚人,短短5年間由平面模特兒跳入銀幕!性格率直的她,原來男仔頭非天生,全因一次受委屈而改變,更直認「未見其人先聞其聲」是其特徵!而講到男友就冧笑的她,三番四次讚對方的舉動甜在心!

拍住松松 好慚愧!

成功在公仔箱佔一席位的Kaman,剛播畢的懸疑劇《福爾摩師奶》是其最新作品,拍住陳松伶、黃智賢、陳瀅及余德丞等演出,飾演「丁曉堯」的她跟前輩松松最多對手戲,大讚對方是值得學習的對象︰「佢連好細微嘅事,例如臨時演員揸小提琴嘅手勢,都會好畀心機咁教,又好勤力咁喺劇本上面寫滿字,對住佢,我自問有啲慚愧!」

𥄫實黃智賢心口

首演民初劇就獻出最放肆、大膽的一次,Kaman自爆有場戲要借前輩心口做劇本架︰「當時連續3日冇返屋企沖涼就要接外景,真係記唔到一大段對白,最後要將劇本黐喺Ben哥哥(黃智賢)個心口度,唔記得就望住佢,但其實仲考演技。佢教我唔好死盯住佢心口,要周圍望吓,嗰場真係辛苦大家!」憶述此事時,她仍不禁掩嘴爆笑,認真食咗豹子膽!

三大嘩鬼 超提神!

Kaman向來予人牙尖嘴利、嘈喧巴閉的爽直男仔頭感覺,此「優點」更助她榮登TVB「三大喇叭」之寶座,與兩位前港姐馮盈盈及劉佩玥齊名,她搞笑力撐:「最大聲一定唔係我!其實我哋單頭出嚟都唔夠嘈吵,如果3個人一齊開戲,包保全Crew人精神爽利,希望監製採納意見。」還幽默指電競高層男友被身邊朋友取笑「拯救地球」,她說︰「我係比普通人Talkative啲,開工一到夜晚,如何喺眼瞓嘅情況之下撐落去,就係要有一個『喇叭』!未見其人先聞其聲,就係我嘅特徵!」

點解咁多緋聞?

不過人紅是非多,Kaman因做「喇叭」服務大眾而感到自豪,同時卻被性格拖累,先後與王浩信、何廣沛及伍允龍等傳緋聞︰「都唔知點解會有咁多(緋聞),希望大家高抬貴手,我依家咁高調拍拖都仲傳到!」原來她的男仔頭性格並非與生俱來,全賴入行初期拍廣告「開竅」,她說︰「當時好怕醜,導演話我放飯嗰陣匿埋玩電話好寸、好高竇,我就覺得好委屈,根本就三唔識七。自嗰次之後,我就成為片場最Talkative嘅人,想畀人感覺友善、歡樂啲,唔好誤會我。(逼自己改變會唔開心?)唔會,我都好鍾意分享。」又指現時會逼兩個妹妹出去識朋友儲膽量,實行嚴師出高徒!

男友鞭策 甜入心!

談及與男友相處之道,Kaman冧笑指二人相當投契,每日都會分享大小事,又感激男友的無私付出,令她暖在心頭︰「佢成日接我放工,就算唔瞓覺都嚟,仲不時帶湯包畀我飲,有問過佢係咪因為熱戀期先會咁,但依家都拍咗半年有多,好開心佢仲維持到。」更大爆窩心男友曾化身戲劇導師︰「我哋兩個都好鍾意睇戲,有時睇睇吓會問我『如果畀着係你,你會點演?』,我一定唔會咁諗,係要有個人喺隔籬鞭策你畀意見,仲成日叫我去上Acting Class,但我覺得好貴又懶得出去,佢就喺我部iPad下載國外演藝訓練班課程畀我睇。佢講過雖然教唔到我演技,經驗又唔豐富,但會喺我背後默默支持,聽完都好感動,佢係一個幾好嘅男朋友!」

發掘另一半怪癖

對男友讚不絕口,可想過結婚?Kaman大笑話冇咁快,見家長亦隨緣︰「依家開始咗事業,冇諗拍拖就要結婚,相愛容易相處難,對方有好多習慣、興趣、奇怪癖好可能仲未知,唔知接唔接受到,仲要時間去發掘同了解。(當初拍拖想低調?)本身諗住穩定就同大家講,都係一件開心事。(公司有冇禁愛令?)好彩公司都了解男歡女愛係正常事。」

化妝︰Namnam Lam

髮型︰Haffman Cheng

場地︰漁獲浜燒




來源 source: http://hk.on.cc
鍾意就快D Share啦!