一輛電單車昨日在八鄉古廟巴士站對開，攔腰猛撼七人車右邊車身，電單車鐵騎士墮地重傷身亡。死者姓馮（41歲），人稱「聰哥」，據悉他經常駕電單車遊大帽山，故友人亦稱呼他為「大山聰」。馮的胞兄今早向《蘋果》表示，阿聰「偷偷哋背住佢老婆去玩車」，作為兄長「有勸佢唔好玩車，佢自己都有細路仔」，但「佢咁大個人話佢唔聽都冇辦法」。
相關新聞：攔腰撼七人車 鐵騎士不治
據馮兄表示，阿聰的妻子是家庭主婦，兩人育有兩名年幼子女，分別就讀幼稚園K3及小一，阿聰是家中經濟支柱，但他在內河碼頭工作，收入不多，月薪只有兩萬多元，但現時在屯門所租的單位，月租亦要7,000元。阿聰的子女已知道父親離世的事實，顯得十分傷心。
對於網上流傳有警員於意外前曾追截阿聰，阿聰胞兄認為阿聰若做了違法的事，「好難講話追唔追究（責任）」，但認為其實警方一定知道阿聰身份，「有咩需要追得佢咁犀利」，因為「實搵到佢」。胞兄透露，阿聰早年經常返內地珠海參加電單車比賽，更曾奪得冠軍。
現在弟婦一家痛失經濟支柱，阿聰胞兄希望房署能盡快安排公屋單位給弟婦一家安頓。
互聯網上載意外發生一刻片段，可見當時阿聰駕駛電單車，尾隨一部七人車，惟至巴士站對開時，疑阿聰未料七人車突然右轉，他未及煞車，便被七人車撞飛數米，人車分離，他撞彈倒地，重創昏迷。
星期一至五晚上10點半*
《動腦Q》Let's Q the money！
http://bit.ly/2QW8LcI
你敢爆，我敢獎！ 立即WhatsApp《蘋果》24小時爆相爆片熱線或致電：63836568
|
鍾意就快D Share啦！
|
|
|
