(Getty Images)
港網 No.1 24小時足球賠率：https://bit.ly/2UmNL0L
剛於歐聯出局嘅曼聯，於周日(21日)晚英超頭場再度甩轆，作客「拖肥糖」愛華頓慘敗0比4，成為球隊今季最大敗仗。
曼聯近8場輸咗6場，今季聯賽已失咗48球，破咗佢哋自己單季英超失波最多紀錄，周中補賽仲要硬撼弗爆嘅曼城，爭前4真係凍過水。
曼聯在「蘇B」蘇斯克查中途接手後，一度打出連勝氣勢，可惜自從獲正式坐正後開始跌Watt，包括上週中歐聯8強畀巴塞隆拿踢出局。
紅魔依家目標剩番爭前4，今仗亦排出強陣，保羅普巴、盧卡古、拉舒福特等悉數上陣，但愛華頓主場出擊唔講得笑。
開波僅13分鐘，射手李察利臣於禁區內施展半倒掛先開紀錄，之後得勢不饒人，28分鐘輪到基菲爾施古臣忽然放冷箭，曼聯門神迪基亞因落地慢咗再度失守，易邊後盧卡斯迪治尼同禾確特再整多粒，令紅魔慘吞4蛋。
曼聯近8仗輸咗6場，表現急插水，後防不穩係重要原因，連埋今仗在內，連續11場都有失波，單計聯賽今季已經失咗48球，係佢哋單季英超失波最多紀錄。
曼聯落後0比4之後，谷都谷唔起，連似樣嘅埋門都冇，明顯連鬥心都輸埋，睇來今季都唔使旨意打入前4位。
「蘇B」話要重建球隊，但執意同基斯史摩寧、菲爾鍾斯、艾舒利楊格等庸材續約，對神龍迪基亞續約一事遲遲未決，難怪迪基亞心灰意冷，近期連番甩轆唔係偶然，「蘇B」再唔諗計遲早攬炒。
東網體育FB同你追實體壇每個精彩時刻！
http://bit.ly/2ecTF2A
Follow東網體育IG一齊撐本地運動員！
http://bit.ly/2EYxoRh
來源 source: http://hk.on.cc
|
鍾意就快D Share啦！
|
|
|
