掃呢頁CODE去手機

2019年4月6日 星期六

【爆相爆片】吳若希斯文look陪乖女面試 黑面怒睥玩手機老公 __,吳若希,爆相爆片,

吳若希同老公帶囡囡去面試。
26歲的人妻吳若希,跟澳門闊少老公何兆鴻(Alex)育有囡囡Giselle(乳名淼淼),今年4月才滿2歲的淼淼,已經要預備接受香港的填鴨式教育,日前吳 ...


26歲的人妻吳若希,跟澳門闊少老公何兆鴻(Alex)育有囡囡Giselle(乳名淼淼),今年4月才滿2歲的淼淼,已經要預備接受香港的填鴨式教育,日前吳若希和老公帶囡囡到幼稚園面試PN班,被讀者黃小姐透過「爆相爆片」分享過程,吳若希着白恤衫襯黑色背心裙,以「斯文媽媽」look現身,全力以赴望為囡囡加分。



當日是進行第2次面試,幼稚園主力睇家長的表現,黃小姐在電話表示:「嗰日下晝3點9,見到吳若希同佢老公帶囡囡去2nd in,入到學校吳若希刻意背住門口企,全程好有耐心陪囡囡玩,不過佢老公就掛住玩手機,唔知係咪覺得尷尬呢?」入到課室之後,面試正式開始,黃小姐說:「佢老公仲掛住玩手機,似乎唔係好熟悉程序,因為入課室已經開始計分,2nd in父母要答問題,應該要表現得好熱衷,我見到吳若希都有啲黑面睥住老公,不過佢囡囡就好乖,冇走嚟走去,亦冇扭計。」



問到吳若希表現親切嗎?黃小姐說:「ok,雖然冇特別打招呼,但有小朋友同佢囡囡玩,佢都踎低同其他小朋友玩,只不過佢老公好似好忙咁。」從讀者提供影片所見,吳若希全程笑容滿面,好有耐性又彎腰又蹲下逗囡囡和小朋友,表現得好有愛心。



早前吳若希在社交網展開「30 days婚變challenge」,連續30日讚老公為婚變闢謠,完結後Alex亦在IG撰文向老婆示愛:「如果陪伴係用時間去衡量,咁我應該每日掛住你86400次。見不到,會掛住你。見到,也會掛住...這女人常常問我,『我係咪好惡?我係唔係好野蠻?我係唔係好任性?』此時此刻,我只可以引用某天王的金句『係,你好惡,你好野蠻,你好任性,但,係我揀的。』多謝妳,多謝妳給這個溫暖的家,多謝你給我那麼打意的小女孩,沒有你,我甚麼都不是,沒有你,我不會撐到今天。I Love you until the end of my life.」



-----------------------------

追蹤真相 守護公義

免費訂閱支持蘋果 4月10日無阻盡覽

https://hk.adai.ly/PMtkKQIUBV

-----------------------------

動腦Q金像獎周

4月8日-12日 10:30PM

Let’s Q the money!Action!

https://hk.adai.ly/zpCd06PPwV



吳若希同老公帶囡囡去面試。 淼淼話咁快已經兩歲。(網上圖片) 淼淼話咁快已經兩歲。(網上圖片)
 Alex在IG撰文向老婆示愛。(網上圖片)

Alex在IG撰文向老婆示愛。(網上圖片)
讀者話Alex掛住玩手機。(讀者提供短片截圖)

讀者話Alex掛住玩手機。(讀者提供短片截圖)
吳若希全程笑容滿面。(讀者提供短片截圖)

吳若希全程笑容滿面。(讀者提供短片截圖)
吳若希好有耐心陪囡囡及小朋友玩。(讀者提供短片截圖)

吳若希好有耐心陪囡囡及小朋友玩。(讀者提供短片截圖)
吳若希踎低陪囡囡(紅圈)(讀者提供短片截圖)

吳若希踎低陪囡囡(紅圈)(讀者提供短片截圖)

鍾意就快D Share啦!