掃呢頁CODE去手機

2019年5月30日 星期四

【愛錫作獎勵】想老婆方媛休息吓先 郭富城未有追仔打算 __,方媛,郭富城,

(攝影:仇志德)
郭富城、汪明荃及謝玲玲等,今日於銅鑼灣出席首個「無膠日」成立活動,身為發起人的林恬兒、丁子高與汪詩詩也有現身支持。郭富城太太方媛在4月剛誕下郭家第二位 ...


郭富城、汪明荃及謝玲玲等,今日於銅鑼灣出席首個「無膠日」成立活動,身為發起人的林恬兒、丁子高與汪詩詩也有現身支持。郭富城太太方媛在4月剛誕下郭家第二位小公主,已是兩女之父的城城今天一見記者便主動分享,幸福滿瀉:「細女出世之後未見過大家,二寶喺4月出世,中文名仲研究緊,英文名叫Charlotte,因為大女Chantelle都係用ch,所以細女都用返。」問大女Chantelle有否呷醋?城城笑說:「少少始終仲細,當抱住二寶嘅時候,佢就會少少呷醋,自己都係新手,慢慢學習,我會o氹返佢,OK嘅。」

相關新聞:【爆城城細女好得意】慨嘆當年冇盡快追B 楊千嬅:而家隔咗太耐



城城透露細女剛滿月,還未可以出街,他笑謂將來會一家人到公園玩,城城又謂太太兩次生產他都有陪伴在側,更有剪臍帶,他說:「感覺好開心同幸福,唔可以用言語表達,心裏面好唔一樣,係好幸福嘅感覺。」他又心痛太太生產辛苦,令他更感受到母愛的偉大,揚言要好好愛錫太太作獎勵。問他會繼續追仔嗎?城城說:「暫時唔會喇!呢個世代嘅思想,仔女都冇所謂,最緊要健康,我唔知道仔有乜感受,但係而家好滿足,太太好辛苦,個過程真係好偉大,休息吓先。」



城城表示支持宣揚環保訊息,在家中他更會做好榜樣,教育女兒用環保餐具,灌輸保護地球的重要與責任,他說:「我每日都會食菠蘿包做早餐,姐姐每日都會去買,每次都用膠袋裝,我覺得好浪費,係咪可以攞循環再用嘅飯盒去用?我會即刻開始實行。」



而同場的林恬兒謂自小喜歡海洋動物,啟發她要關注環保,到長大成為母親,她繼續支持環保活動,更會以身作則,教育下一代,她說:「為咗下一代,要留一個好嘅地球畀佢哋。」而林恬兒愛環保的舉動,連媽媽謝玲玲、老公與嫲嫲也受到感染。





--------------------------------

【六四30】守住歷史 拒絕遺忘

https://hk.adai.ly/zdzKtt2RiW

--------------------------------

【記住63836568】全民爆相爆片!下一個爆料王就係你

https://bit.ly/2Guolu9



(攝影:仇志德) 郭富城指剪臍帶的幸福及開心感,並不是可以以言語來表達。 郭富城指剪臍帶的幸福及開心感,並不是可以以言語來表達。
活動上,汪明荃不停與城城傾偈。

活動上,汪明荃不停與城城傾偈。
林恬兒(右)愛環保的舉動,她指連媽媽謝玲玲也受到感染。

林恬兒(右)愛環保的舉動,她指連媽媽謝玲玲也受到感染。
汪詩詩

汪詩詩

鍾意就快D Share啦!