掃呢頁CODE去手機

2019年5月30日 星期四

【頒奬禮被噓】關智斌寫歌鼓勵 容祖兒翻唱《勇氣情歌》報答 __,容祖兒,關智斌,

【頒奬禮被噓】關智斌寫歌鼓勵容祖兒翻唱《勇氣情歌》報答1小時前馬上成為壹會員會員專區只限會員閱讀會員註冊/登入容祖兒同關智斌(Kenny)早前去日本拍 ...


  • 【頒奬禮被噓】關智斌寫歌鼓勵 容祖兒翻唱《勇氣情歌》報答
  • 1小時前


馬上成為壹會員
會員專區 只限會員閱讀




容祖兒同關智斌(Kenny)早前去日本拍咗一系列嘅「斌祖二世古」滑雪片,喺北海道嘅最後一日,祖兒同Kenny終於有機會深情對話,Kenny亦都諗番起一件連自己都已經唔記得咗嘅事,就係十幾年前,佢為祖兒寫咗一首《勇氣情歌》。

祖兒當時聽到成個人呆咗,因為冇諗過Kenny會寫首歌畀自己,但當返到屋企靜心欣賞呢首歌時,就感動到起雞皮。為咗報答Kenny呢個咁窩心嘅舉動,祖兒返到香港後就即刻入錄音室重新演繹《勇氣情歌》。呢首祖兒版嘅《勇氣情歌》mv噚晚終於上架,mv亦都好有心意,祖兒專登摷返隻hard disk出嚟,將佢同Kenny咁多年嚟嘅合照放入mv,有啲連Kenny自己都未見過。

而Kenny亦都深夜發文,講點解會有呢首歌嘅出現,「有一年在頒奬禮她給觀眾發出噓聲的時候,想着想着就猛然想起寫勇氣情歌的因由」,寫完首歌後Kenny都有諗過同祖兒講,但係覺得有啲唐突,所以最後都係藏於心底,「我們在這個大家庭成長很多年,比較偏向於心照不宣,有什麼不開心就會慰問兩句然後就唱K食飯轉換心情,等你能量滿滿瞓醒一覺再重新出發,上天的安排有時很有趣,有時候你以為做的東西是徒勞無功,又或者有的時候覺得白費心血,他會用一個很有趣的方法告訴你,天道酬勤!容祖兒就是一個最好的例子 。」睇到post嘅祖兒亦都留言話:「這一刻只想在你懷中大哭一場。」係愛呀。

立即下載APP,精彩內容壹手掌握

下載連結: http://bit.ly/Next29App

如對會員訂閱制有預到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!


鍾意就快D Share啦!