掃呢頁CODE去手機

2019年5月30日 星期四

【童年被嘲「差妹」】Sarika避談姚子羚 與Raymond離婚:人生最難嘅抉擇 __,姚子羚,

左圖:受訪者提供 右圖攝影:林德雄
蔡宛珊(Sarika)15歲開始做模特兒,之後轉型做司儀,近年加入ViuTV做主持兼拍劇。但入行19年,對觀眾而言,仍然好陌生。直至近日一單桃色新聞, ...


蔡宛珊(Sarika)15歲開始做模特兒,之後轉型做司儀,近年加入ViuTV做主持兼拍劇。但入行19年,對觀眾而言,仍然好陌生。



直至近日一單桃色新聞,Sarika的名字與大台花旦姚子羚扯上關係。有指姚子羚搶人老公,在Sarika與前夫Raymond仍未搞清離婚手續時,已搭上Raymond,另外還有圈外二奶、鬼妹等,Sarika才有機會登上娛樂版C1頭條。



默默耕耘無人問,會否有點不甘心?Sarika昨日接受《蘋果》專訪時,淡淡然說:「所有事發生都有佢嘅原因,我咁多年喺呢行,名利上唔算大紅大紫,但都多謝客戶支持,每年都搵返我做司儀,多年來儲到啲錢,24、25歲就同ex-husband(Raymond)夾錢買樓,算好好彩。」



Sarika自覺是一個硬朗的女子,爸爸是馬來西亞華僑,媽媽是印度人。擁有中印血統的她,雖然在香港土生土長,但亦曾遭受歧視,她說:「會㗎,尤其我媽咪嘅年代。甚至乎我細個,我哋(同細佬)唔敢話畀人聽我係印度人,因為會有啲歧視眼光,例如俾人嗌『差妹差仔』,又搵啲嘢笑你,話你鍾意食咖喱,我覺係冇乜禮貌,會唔開心同難受。但我好tough嘅,好難俾人蝦,加上我係家姐,仲會照顧細佬,我份人睇好多正能量嘅書,最叻將負面嘢從好嘅方面去睇。」



Sarika的不屈精神,或許是從她父母身上學到,她說:「我未去到要捱窮,但亦唔係大富大貴。細個Daddy成日話我係lucky star,因為我未出世前,父母係寄住外公外婆屋企,我出世後就抽到居屋,我喺居屋長大。父母都係好上進同努力嘅人,媽咪同我係同一年考會考,佢係非常成功,之後攞埋博士名譽,現在係大學講師;而Daddy雖然已經65歲,但佢仍然有做汽車生意,同樣好努力同上進。」而Sarika精通廣東話、普通話和英語,中五畢業後,還有修讀牙科手術助理課程,而且是廣告及公關學士。



不過,再堅強的女人,面對感情問題都會變得脆弱。Sarika與Raymond拍拖4年,結婚6年,還有2年分居期,她坦言分開亦是一個艱難的決定:「係人生最難行嘅抉擇,同最難行嘅一步,分開唔係一個半個原因,有生活上嘅分歧、價值觀唔同,但感恩呢段時間家人同朋友都好支持我。」有指Raymond一直希望復合,曾否心軟?Sarika想了一會說:「畢竟都10年,冇話心唔心軟,好多原因,都知呢步都要行。」對於姚子羚疑搶人老公,Raymond又有二奶三奶,Sarika都不願多談:「同佢(姚子羚)係普通朋友,有就呢件事聯絡過,但過去咗,甚麼奶都好,唔去諗、唔回應,唔想深究。」



婚前婚後,其實Sarika都不乏追求者,她自言不是一個貪錢女人,她說:「認識我ex-husband時,佢都唔係一個有錢人,佢都係做樓面,大家真係一齊成長,一齊努力,我不嬲都係靠自己,公一份婆一份,從來冇攞過家用,完全冇。」二人離婚後,曾有傳Raymond將昔日愛巢賣掉後給予Sarika贍養費,Sarika再度否認:「我哋係喺律師面前,將錢一人一半分咗佢,我就用嗰筆錢加埋積蓄購入現在住緊嘅單位,一個單身女人要做嘢、要供樓、要生活係吃力,但我相信繼續努力係會捱得過。」



34歲的Sarika對愛情仍充滿憧憬,問到擇偶條件?她笑說:「最重要專一、尊重同誠實,大家價值觀要相近,因為我好重視家人同朋友,對方要錫同尊重我屋企人同朋友。錢對我唔係首要條件,靚仔?合眼緣ok啦,鍾意就會覺得佢靚,哈哈。」會否考慮雪卵?她說:「我都鍾意小朋友,我個人比較健康,鍾意運動,相信體力都應付到(生小朋友),如果過多兩年仲未有機會,都會考慮雪卵。」



採訪﹕嵐山

攝影﹕林德雄

攝錄﹕廖達燊



【六四30】守住歷史 拒絕遺忘

https://hk.adai.ly/zdzKtt2RiW

--------------------------------

【記住63836568】全民爆相爆片!下一個爆料王就係你

https://bit.ly/2Guolu9



左圖:受訪者提供 右圖攝影:林德雄 Sarika坦言離婚是一個很艱難的決定。 Sarika坦言離婚是一個很艱難的決定。
天生個性樂觀,面對難題仍會從正面方向想。

天生個性樂觀,面對難題仍會從正面方向想。
Sarika由15歲開始便做兼職模特兒,擺甫士當然駕輕就熟。

Sarika由15歲開始便做兼職模特兒,擺甫士當然駕輕就熟。
Sarika自言不是一個貪錢女人。

Sarika自言不是一個貪錢女人。
Sarika對愛情仍充滿憧憬,擇偶條件是要專一、尊重和誠實。

Sarika對愛情仍充滿憧憬,擇偶條件是要專一、尊重和誠實。
婚前婚後,Sarika身邊都不乏追求者。

婚前婚後,Sarika身邊都不乏追求者。
Sarika細細個已經好靚女,笑言不擔心被指整容。(受訪者提供)

Sarika細細個已經好靚女,笑言不擔心被指整容。(受訪者提供)
中印混血兒Sarika,童年曾遭歧視。(受訪者提供)

中印混血兒Sarika,童年曾遭歧視。(受訪者提供)
Sarika與媽媽同年報考會考,蔡媽媽現在已是大學教授,成為女兒的好榜樣。(受訪者提供)

Sarika與媽媽同年報考會考,蔡媽媽現在已是大學教授,成為女兒的好榜樣。(受訪者提供)
Sarika的爸爸是馬來西亞華僑。(受訪者提供)

Sarika的爸爸是馬來西亞華僑。(受訪者提供)
(受訪者提供)

(受訪者提供)
Sarika喜歡笑(IG圖片)

Sarika喜歡笑(IG圖片)
Sarika最近在社交網開「Miss S教室」,每周五都會教大家日常英語及教大家做運動。(IG圖片)

Sarika最近在社交網開「Miss S教室」,每周五都會教大家日常英語及教大家做運動。(IG圖片)
Sarika精通廣東話、英語及普通話,多年來接不少司儀工作。(IG圖片)

Sarika精通廣東話、英語及普通話,多年來接不少司儀工作。(IG圖片)
Bob是Sarika的老闆(IG圖片)

Bob是Sarika的老闆(IG圖片)
Sarika熱愛運動,每周會做運動三、四次。(IG圖片)

Sarika熱愛運動,每周會做運動三、四次。(IG圖片)
Sarika稱Raymond並非有錢仔,過去大家一齊努力為生活打拼。(FB圖片)

Sarika稱Raymond並非有錢仔,過去大家一齊努力為生活打拼。(FB圖片)
對於Raymond與姚子羚曾相戀,Sarika不欲多談。(資料圖片)

對於Raymond與姚子羚曾相戀,Sarika不欲多談。(資料圖片)
Sarika稱與姚子羚只是普通朋友。(資料圖片)

Sarika稱與姚子羚只是普通朋友。(資料圖片)

鍾意就快D Share啦!