肥仔聰(林子聰)今年1月榮升第二任老豆，他形容是人生中一個很大的風浪。
「突然間覺得人生好奇怪，原本一直擁有的，可以在毫無先兆，一下子攞走。老婆當日突然話痛，當時佢只係得六個幾月，然後佢話感覺要生，即刻叫救護車，結果救護車到場，我哋都未去到醫院，就已經喺救護車上面生咗。太太之前已經知道胎盤有問題，連隨大量出血，呢個畫面無法唔記得，就係嗰個BB出嚟，只係得兩個手掌咁大。其實我已經唔係好敢望，因為唔知望呢一下，可能已經係最後一面。」肥仔聰說。
到達醫院，母女倆隨即送入手術室，七個醫生分別救兩個人，他就坐在手術室外等了五個小時。直至清晨六點，兩母女才大步檻過，不過未脫離危險期。女兒波波出世時只有1.9磅，心和肺仍未完全發展，一直放在暖箱，身上插了很多喉，醫生表示要等波波有4磅時才可以接觸，所以他未有完全告訴太太波波的狀況，直至女兒有4磅重，太太才見她第二面。
波波在醫院三個月，才被批准回家。肥仔聰說，在此前他每天到醫院見一面，在保暖箱旁為波波打氣，叫她記得呼吸。
「醫生話用咗好多儀器幫佢呼吸，但都係要靠佢自己，因為喺媽媽嗰肚，佢唔需要自己呼吸。因為我每日都同佢傾偈，佢好記得我把聲，到而家聽到我把聲都會笑得好開心。」肥仔聰說。
波波半歲大，約有11磅重，肥仔聰說看見女兒，他認為是生命奇蹟。這場經歷，令他想到自己的父親，因為發生事故後，他第一個通知父親，他看到父親哭了。
「其實爸爸傷心，係因為佢曾經都有過咁樣經歷，媽媽好早已經離開我哋，當時都係因為有病，之後就離開咗。爸爸當年三十幾歲，比我仲細，佢面對好多嘢。所以佢叫我唔好喊，因為當時只有我可以幫到呢個家，其實係佢同我講呢番話前，我已經喊完。如果可以揀，我當然唔想發生呢啲事，不過我好慶幸，因為我睇到擁有一個齊齊整整屋企，唔係必然。」
曾經試過連續八個開工，肥仔聰未有返過屋企。現在，他會抽多些時間陪家人，跟一對仔女去玩。
「以前咩工作都接，只要賺到錢都接，我而家會選擇工作，反而會抽時間同個仔去海洋公園，落街食雪糕，多啲家庭生活。」他說。
立即下載APP，精彩內容壹手掌握
下載連結： http://bit.ly/Next29App如對會員訂閱制遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|