大銀幕上的安志杰是硬朗鐵漢，回家即時柔情萬縷。昨日他與太太Jessica C.及一對仔女在西環受訪，安志杰說：「以前我根本冇諗過有個家庭，但係𠵱家真係好開心。」提到愛女Tessa，安志杰坦承是呷醋爹哋：「有次，我見到陳國坤個仔拖住我個女，我好唔開心，全日喺度假笑。如果佢第時有男朋友，我諗過好多好多次呢個畫面。」
當爸爸後，安志杰更感受到母親的愛：「以前我受傷，媽媽會話我好曳。𠵱家我好明白，因為佢哋受傷，我會好嬲即刻變做Hulk。」他認為自己要無時無刻保護家人，自嘲一家四口外出就會變成特務：「我會望吓天、望吓地，周圍睇吓，地下有冇屎，呢度附近好多屎，哈！」
相關新聞：Oscar落淚感激爸爸
Jessica C.聞言即大讚好老公為家庭犧牲很多：「我知道他工作很辛苦，他不在香港，我會寫信給他，告訴他他有多好。其實我沒有想像過Andy（安志杰）是這樣好的丈夫和爸爸，我只知他喜歡小動物。很多男人，面對小朋友會逃走，但他沒有，他真的很溫柔和感性，最享受就是與小朋友玩的時間。」
Jessica C.又指老公不是有耐性的人，但面對囡囡Tessa及囝囝Elvis卻非常有耐性，安志杰說：「呢個感覺對我嚟講好奇妙，以前我做嘢，幾危險我都唔怕，𠵱家真係怕，乜都好驚，因為我好清楚，一定要留番自己嚟照顧屋企。」
採訪：盧妹
攝影：仇志德
|
鍾意就快D Share啦！
|
|
|