掃呢頁CODE去手機

2019年6月24日 星期一

蕊蕊:自細坐唔定 蕊蕊滑板衝落斜險毀容 __,陳蕊蕊,

細個都好唔識死!藝人蕊蕊自小活潑好動,愛在成長之地青衣跳舞及踩滑板,試過有次貪玩坐在滑板於斜路高速衝下去,怎料「人板分離」整個人撞向硬地,結果由頭到腳 ...


細個都好唔識死!


藝人蕊蕊自小活潑好動,愛在成長之地青衣跳舞及踩滑板,試過有次貪玩坐在滑板於斜路高速衝下去,怎料「人板分離」整個人撞向硬地,結果由頭到腳受傷流血,而鼻及嘴唇傷得最為嚴重,她擔心得以為毀容。雖然最後完全康復,但她自嘲坐唔定,冇有怕繼續通街走!

蕊蕊小學、中學都在青衣區就讀,舞蹈員出身的她,原來亦是無師自通,在青衣默默學會一身好舞功,加入無綫打出名堂,她說:「細個讀書冇好多零用錢,青衣城海旁附近嘅公園我成日都嚟,嗰陣會喺度睇人跳舞自學,又會約埋成班朋友嚟跳舞,呢個地方真係培養咗我跳舞嘅興趣。」

爆缸撞崩牙

除了愛跳舞,她讀書時期更喜愛踩滑板,試過有次不小心跌低,令她由頭到腳受傷,更險些毀容,認真驚險萬分!她憶述當時情況:「當時喺好斜嘅斜坡,我坐喺塊滑板上面瀡落去,點知我好驚,好想停,結果我離開咗塊板瀡咗落去,好記得鼻同嘴唇入面都爆晒血,啲牙又崩咗,下巴又損咗,當時好驚毀容,好在搽咗好多藥膏,同埋細個復原得好快。最記得係搞到同行嘅朋友都好驚,但唔使入醫院,面係皮外傷,反而腳同手就嚴重啲。」

激發運動潛能

青衣運動場是發掘蕊蕊運動潛力的地方,可惜發掘得太遲,她說:「其實我讀中學嗰幾年冇參加過陸運會,純粹都係坐吓,覺得唔使上堂好開心。點知去到讀中學嘅最後一年,我乜嘢運動都參加,總之有位報名就去比賽,結果我每一樣嘢都拎咗獎牌,我就開始發覺我有啲體育天分,不過可惜已經係最後一年。」

「壞」學生?老師都好驚我!

自言坐唔定的蕊蕊表示讀書時期是個「壞」學生,更感染其他乖同學,與她「同流合污」,她說:「其實我唔係做壞事嘅學生,係個人活躍啲,好多老師都好驚我,會安排啲好乖嘅學生坐喺我附近,但最後都會畀我感染到佢哋多咗講嘢,搞到佢哋變得活躍,所以我對老師嚟講都幾麻煩。本身我又好難集中留心聽書,當時最有興趣就係上體育同數學堂,一睇字我就會瞓着,要我背嘢死記真係唔得!」

平民商場掃街Shopping

小時候零用錢不多,蕊蕊坦言愛到平民地方葵涌廣場掃街購物,皆因入面應有盡有,她說:「做學生冇乜錢,所以我多數會同同學去葵涌廣場,一嚟又平、二嚟又多選擇。除咗食嘢之外,又可以買衫同飾物,真係學生天堂!依家佢哋仲幸福,因為多咗好多選擇,我自己其實久唔久都會去食吓嘢。」

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!