掃呢頁CODE去手機

2019年6月23日 星期日

鄭嘉穎:陳凱琳冇得過二人世界 鄭嘉穎收囝囝入缸? __,鄭嘉穎,陳凱琳,

兩公婆真係搞笑!藝人陳凱琳(Grace)今日28歲生日,之前佢就透露正日會同老公鄭嘉穎及囝囝鄭承悦(悦悦),一家三口去旅行慶祝,呢日佢就喺社交網大晒旅 ...


兩公婆真係搞笑!


藝人陳凱琳(Grace)今日28歲生日,之前佢就透露正日會同老公鄭嘉穎及囝囝鄭承悦(悦悦),一家三口去旅行慶祝,呢日佢就喺社交網大晒旅行片段,不過就好搞笑咁「埋怨」囝囝阻住佢哋兩公婆過二人世界,留言:「我諗住生日可以過二人世界...但係悦悦實在太恐怖啦~點都擺脫唔到佢。」

咁都未夠,佢哋仲發揮「戲精」本色,拍片作勢要將囝囝放到酲缸入面,實行諗計「擺脫」佢,片中嘉穎負責「落手」,Grace就喺隔籬「睇水」兼向途人示意唔好出聲,至於悦悦全程勁淡定,似乎已經習慣晒父母嘅誇張舉動,場面非常搞笑。唔少圈中好友,包括湯洛雯、朱千雪及陳嘉寶等都留言大讚悦悦可愛。

另一邊廂,Grace嘅「少婦聯盟」好姊妹龔嘉欣及譚凱琪,亦喺Grace出發旅行前率先同佢慶祝,嘉欣喺社交網上載多張生日合照,並留言送上祝福:「謝謝緣分把我們連在一起,祝我們最美最甜的Grace生日快樂,繼續幸福滿滿,We love you」。

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!