陳百祥（叻哥）、陳庭欣、黃德斌和梁釗峰今晚在灣仔出席「名酒慈善晚會」，同場還有周焯華太太陳慧玲。陳庭欣指今晚與叻哥合作擔任司儀：「合作咗好多次，以前真係驚佢，因為佢窒過我，我當時太幼嫩，一定會背稿，而家學識咗唔需要背晒，有時背唔到，叻哥就會笑我，佢又成日爆肚，開咪問我『最近拍拖啦？』其實我同叻哥、秀姑私下都好friend。」將來結婚會請他們飲？陳庭欣笑說：「我希望如果有一日，當然要請晒所有朋友啦，但未諗到呢一日。」陳庭欣透露男朋友楊振源（Benny）與友人合資開一間綜合健身、中醫、物理治療、美容和按摩的會館，更找她擔任代言人，問到是否收女友價？她笑說：「經理人幫我去傾，係正常TVB員工價加少少朋友價，但我會落力啲。」
至於叻哥就大讚陳庭欣是最靚最醒的拍檔，「因為佢見人講人話……講笑，佢醒在咁耐都keep住筍盤，筍盤又唔會跌價，得閒又出嚟做下善事，呢啲係好聰明嘅做法。」有否叫她早點結婚？叻哥笑說：「梗係唔會啦，我都後悔咁早結婚，秀姑唔係人，佢係仙女下凡落嚟畀我，痺就痺啲，不過係講真話。」
此外，提到他出席「殼王」陳國強兒子陳耀麟（Alan）的婚宴，叻哥說：「我老友（殼王）兩夫妻同黃杏秀係同學，佢個仔呢，由細睇到大，我同佢打籃球，同佢踢波，同佢去蘭桂坊劈酒，佢返大學，我同老友一齊就送佢返學，而家見到佢結婚，好似自己娶新抱咁，所以好開心，佢喺美國讀書，大部份嘅同學都係講英文，不過佢太太係香港人。」
-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX
|
鍾意就快D Share啦！
|
|
|
