掃呢頁CODE去手機

2019年6月9日 星期日

馮盈盈:【三喜臨門】馮盈盈再集氣 勢要做醫生夫人 __,馮盈盈,

馮盈盈聽日25歲生日。藝人馮盈盈與何廣沛現身無綫劇集《白色強人》宣傳,盈盈明日(10日)將踏入25歲,她笑謂三喜臨門:「同寶寶嘅第一晚喺新屋度,我生日 ...


馮盈盈聽日25歲生日。


藝人馮盈盈與何廣沛現身無綫劇集《白色強人》宣傳,盈盈明日(10日)將踏入25歲,她笑謂三喜臨門:「同寶寶嘅第一晚喺新屋度,我生日,同埋套劇首播。」何廣沛提議眾演員到她新居聚會,盈盈即以蝸居為理由落閘,何廣沛抵死說:「我能屈能伸,企係度睇都得㗎!」日前盈盈表示為男友考醫生試緊張,問到對方成績如何?她興奮說:「佢順利合格,感謝大家為佢集氣。(咁咪可以做醫生夫人?)咁要再集氣,要套劇40點收視先得。」何廣沛聞言說:「我之前好辛苦先30點,你目標40點,其實你係咪唔想嫁呢?」

同何廣沛咀嘴

劇中與何廣沛演情侶,盈盈還獻出螢幕初吻,提到之前於《果欄中的江湖大嫂》已有吻戲,她說:「嗰套有借位,呢套冇花冇假,四塊嘴唇疊埋一齊,嗰晚勁大風,何廣沛很貼心,為場戲搽咗好多潤唇膏。(咁男友「寶寶」睇到點算?)會正面面對,首播一齊打住邊爐睇,㷫合合咁睇。」問到何廣沛會否帶同緋聞女友朱晨麗一齊打邊爐?他說:「朱智賢呀?佢係同劇演員。」

努力改懶音

剛剝了兩隻智慧齒的盈盈面腫腫,自言以往智慧太多,問到此舉能否一併改善懶音?她說:「唔關事,但之前個預告片又被人捉到錯處,證明大家好關注我,我諗住首播夜開Live重讀100次,努力改正,面對錯誤。」

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!