鄭秀文（Sammi）自本月12日開始在紅館舉行「#FOLLOWMi 世界巡迴演唱會」，明日將舉行尾場。不過在周日大批白衣暴徒血洗元朗後，民間在明日發起「光復元朗」，撞正Sammi演唱會尾場，有歌迷昨日在網上代友出售Sammi周六演唱會門票，並指居於元朗的友人不敢出夜街，因而忍痛出讓。由於Sammi演唱會一票難求，出post後不少人爭相搶購，包括甄詠珊及吳忻熹，但兩人最後都搶購失敗。
前晚Sammi演唱會舉行到第11場，也是她在紅館舉行的第100場演唱會，鄭少秋、蔡一傑及賴雅妍等在台下睇騷。Sammi前晚請到好友莫文蔚（Karen）擔任嘉賓，介紹Karen出場時，Sammi興奮地說：「今晚嘉賓係my favourite，我長年累月都有佢嘅歌跟身，成日都會聽佢嘅歌。」兩人隨後合唱Karen的《忽然之間》。
莫文蔚等足26年
Karen說：「我哋從未同台做過任何嘢，我都唱咗26年，我等你呢個電話等咗幾耐？」Sammi笑說：「由水壺（電話）年代等到𠵱家，不過我知你好快開埋最後一次演唱會，就唔再做pop music嘅concert。」Karen坦言：「係，我同自己講要喺最好嘅時候，將最好嘅自己畀咗大家，然後要做下一樣嘢，musical。」
撰文： 唐琛悠
|
鍾意就快D Share啦！
|
|
|
