昨晚發生血洗元朗事件，一群兇神惡殺的白衫人手持木棍和藤條暴打市民和記者，尤其針對穿黑衣者，有市民報警求助，999卻打不通，警署也拉閘，非常離譜，全城震怒！元朗昨晚陷入「無警時分」，不少藝人和巿民都痛心事件，大家紛紛在社交網發聲，近年長期在內地發展的導演陳嘉上今日在facebook留言：「元朗模式，對維護香港管治是功是過？」
相關新聞：【無警時分】黃耀明呼籲勿到元朗 避白衣人追打以保性命安全
相關新聞：【無警時分】黃耀明呼籲勿到元朗 避白衣人追打以保性命安全
陳嘉上模棱兩可留言甫出，網友即狂他插他：「點解係要行出嚟講呢啲嘢呢？唔出聲冇人會迫你表態啩。今時今日，就算做導演界阿叻大家都會明點解嘅，我唔會要求你做張堅庭，你都唔好咁捉蟲，問警黑聯手是功是過啩。如果噚晚你咁啱經過畀人打咗鑊，你又會問個乜嘢問題？」另有網友也說：「終極左膠，膠中之膠，出少句膠聲啦『導演』。」
昨晚事發一直心痛的杜汶澤留言揶揄反問陳嘉上：「Are you crazy?」阿澤忍不住再說：「你要搵食邊個會怪你而家？唔使個心一唔安樂就上寫啲模棱兩可安全性極高嘅評論。『吖究竟一個強姦犯強姦，係咪就可以否定佢嘅一生呢？』」咁叫理性討論？咁叫做泯滅人性！咁唔係代表你係知識分子，只係代表你心理唔平衡。哥頓！你快啲去睇心理醫生」阿澤出手狠批，有網友即大讚：「杜生好波！！！」對於陳嘉上所言，阿澤今日短訊回覆《蘋果》時說：「If that’s a public post , anyone can quote.I have no more comment.(如果這是一個公開留言，任何人都可以公開引用，我沒有回應了)」
相關新聞：【無警時分】白衣人血洗元朗西鐵站 45人受傷1人危殆
相關新聞：【無警時分】白衣人血洗元朗西鐵站 45人受傷1人危殆
阿澤昨晚一直關注元朗事件，他今日在fb發聲：「暴政必亡」，他再留言：「無論你有幾討厭政治，甚至係支持建制派，當你見到示威者或普通市民，只不過係返屋企都畀人打，而你依然支持的話，咁就係泯滅人性。請你記住，支持暴政，沒有一個是無辜的。大家可以思考一下，點解白衫唔出市區打人？嫌遠？定同元朗嘅差人好傾啲呀？古惑仔做嘢得一個考量，就係單嘢要衰，自不然會計過度過。咁你話如果一早知道冇人會拉你，咁就安心好多。」莊端兒都回應：「咁我都係第一次見警察局關門，關得門仲邊有人做嘢吖！明明大肚婆着白衫，明明咁大個肚都打得落手！」
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X
來源 source: http://hk.entertainment.appledaily.com
|
鍾意就快D Share啦！
|
|
|
