掃呢頁CODE去手機

2019年8月3日 星期六

英超Fever:【曼聯巨購】稱有傷唔隨隊 有冇人信先 __,曼聯,

(GettyImages/互聯網)曼聯將於周日(4日)凌晨出戰國冠盃鬥AC米蘭,但中場球星保羅普巴聲稱有傷在身,並冇隨隊,英國《每日郵報》爆料,指呢位 ...


(Getty Images/互聯網)


曼聯將於周日(4日)凌晨出戰國冠盃鬥AC米蘭,但中場球星保羅普巴聲稱有傷在身,並冇隨隊,英國《每日郵報》爆料,指呢位法國國腳其實係詐傷,以「罷工」方式逼曼聯出售佢畀皇馬。

據悉,曼聯球員同管理層對於普巴突然「受傷」都覺得好意外,因為佢之前並冇異樣,甚至已入選大軍名單。不禁令人想起佢上月曾經一度拒絕去澳洲集訓,今次似乎又故技重施,目的係逼紅魔鬼放走佢,特別係距離轉會市場關閉時間愈來愈近,所以佢將行動升級,採取「罷工」。

曼聯領隊蘇斯克查被問到普巴缺陣原因時,話佢操練時發現背部受傷,但下周應該可以復出。不過,英國傳媒認為蘇B掩飾真相,佢咁講只係因為一旦普巴轉會失敗,雙方可以有下台階。

曼聯亦未驚過,必要時會出手收購熱刺中場基斯甸艾歷臣或者巴塞中場菲臘比古天奴代替普巴。

立即參加「賞您睇」:http://bit.ly/2JWKULh 

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!