掃呢頁CODE去手機

2019年9月30日 星期一

英超Fever:【東體爭議】曼聯一月收購5大目標你點揀 __,曼聯,

(左起)哥林威爾遜、穆沙迪比利、文迪蘇傑、迪姆普基、域陀奧森漢。(GettyImages/互聯網)英超曼聯今晚深夜會出戰阿仙奴,不過賽前,唔少傳媒都公 ...


(左起)哥林威爾遜、穆沙迪比利、文迪蘇傑、迪姆普基、域陀奧森漢。(Getty Images/互聯網)


英超曼聯今晚深夜會出戰阿仙奴,不過賽前,唔少傳媒都公開批評「紅魔鬼」鋒線不濟,開季6戰只入8球,仲將矛頭指向領隊蘇斯克查,批評佢賣錯盧卡古同借走阿歷斯山齊士,竟然唔去補充番前線生力軍。「蘇B」都承認球隊有必要一月買前鋒,增強球隊入球能力同創造力,而英國《太陽報》仲點出5個「紅魔鬼」最有機會簽入嘅新兵,唔知大家又回睇呢?


1/文迪蘇傑(祖雲達斯)
有傳祖雲達斯願意放棄收轉會費畀佢走人,事實上,曼聯今夏都諗過簽佢,只係呢位克羅地亞球星人工太高。上季文迪蘇傑喺意甲入9球,但今季就畀主帥沙利打入冷宮。據知,曼聯依家願意開出一份半季或18個月合約畀佢!


2/迪姆普基(諾域治)
29歲嘅芬蘭國腳,近2季開始響朵。上季喺各項賽事轟入30球,而今季已經攻入6球,當中包括對紐卡素嘅帽子戲法及對班霸曼城入波領軍爆冷贏波。球員生涯雖然唔少日子喺英冠度過,但至今累積歐聯入4球,仲有13個歐霸盃入波。


3/哥林威爾遜(般尼茅夫)
27歲嘅英格蘭土炮射手,過去由低組別聯賽打去,但近5季喺英超上陣98場,射入38球。雖然傷病唔少,近季缺席咗60場賽事,不過佢仍然擁有驚人嘅平均每2.6場入1球嘅紀錄,把握力高強。


4/穆沙迪比利(里昂)
呢位前富咸射手今季法甲已經射入6球。上季23歲法國前鋒上季喺法甲上陣33場入15球,接近每兩場入1球,而喺歐聯上陣28場都有9個入波,係有晒證明嘅一級前鋒。曼聯之前都同佢扯上個關係,或者冬天真係有機會加盟。


5/域陀奧森漢(里爾)
年僅20歲嘅尼日利亞超新星,今夏由比甲查內爾以1,080萬鎊轉投法甲里爾,開季至今已經入咗6球,認真唔嘢少。超強把握力,周三晚仲會代表里爾喺歐聯對戰車路士,係大家睇辦時候,不過里爾未必肯平賣囉!


立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!