掃呢頁CODE去手機

2019年9月15日 星期日

關智斌:歌迷起哄叫咀 張敬軒細數同Kenny情誼 __,張敬軒,關智斌,

佢哋相識咗17年!歌手關智斌(Kenny)處男紅館騷舉行尾場,來到張敬軒環節,他一出場全場又瘋狂尖叫,軒仔笑言:「尋晚啲人話紅館係核爆式掌聲。」歌迷大 ...


佢哋相識咗17年!


歌手關智斌(Kenny)處男紅館騷舉行尾場,來到張敬軒環節,他一出場全場又瘋狂尖叫,軒仔笑言:「尋晚啲人話紅館係核爆式掌聲。」歌迷大叫「咀佢」,軒仔即笑言:「突然聽唔到嘢嘅?」他續笑言:「所有嘉賓都有毒,老闆唔鍾意講有味笑話。」之後兩人來個擁抱,全場又大叫「咀佢」,軒仔講錯說話:「ok,陣間先。」全場又叫,他扮聽不到繼續講:「幾好笑喎,個ear mon突然唔work。」歌迷不放過再叫,他即招架不住笑言:「有啲嘢唔好玩太盡,我都開始亂。」


軒仔又講到與Kenny同是2002年新人:「識咗17年。」全場又大叫「咀佢」,軒仔即將個波交畀Kenny:「你主場你話事。」隨即不理歌迷繼續講:「最近預備演唱會,諗唱咩歌摷番舊相,出道個樣老土啲、kai啲。」隨即大騷一張與DJ當奴扮BOYZ的相片,全場大笑。他續謂與Kenny識於微時:「識佢嗰陣我啱啱嚟香港做嘢,大家起點一樣,事業各自開始,好開心今日可以同佢分享呢個舞台。」隨即又講錯說話:「以下呢首歌佢睇住我寫。」全場又起哄,他解釋:「佢睇住呢首歌點發行,人生寫咗兩首關於書嘅歌,一首係寫畀佢嘅《預言書》,而呢首《笑忘書》當時正值我哋兩個冇乜工作。」大家又起哄,他解釋:「當時好多藝人都冇乜工作,因為非典。」兩人隨即合唱《笑忘書》,又搭膊及攬攬。


接着軒仔又講:「人生得一知己死而無憾。」大家又起哄,他即忍不住沒好氣笑言:「唔好講乜都叫,對號入座,即係FF。」續謂與Kenny見到對方高低起跌,好難用三言兩語講,又謂以下的歌當年Kenny是第一個收到demo:「但當時佢冇發行國語歌嘅計劃,所以冇用,首歌擺咗7年後我收錄喺我嘅專輯,好多回憶同情感同大家分享。」隨即唱出《只是太愛你》。


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!