掃呢頁CODE去手機

2019年12月27日 星期五

【頭條戲場】《超級無敵羊咩咩大電影之天外飛咩》 阿爽愈嚟愈好戲 __,

助搵飛船  阿爽全力幫LU-LA搵太空船,咁關個Pizza Menu咩事?因為同Pizza店好有關係。
【頭條戲場】《超級無敵羊咩咩大電影之天外飛咩》阿爽愈嚟愈好戲助搵飛船阿爽全力幫LU-LA搵太空船,咁關個PizzaMenu咩事?因為同Pizza店好有 ...




【頭條戲場】《超級無敵羊咩咩大電影之天外飛咩》 阿爽愈嚟愈好戲

助搵飛船 阿爽全力幫LU-LA搵太空船,咁關個Pizza Menu咩事?因為同Pizza店好有關係。

25年前,阿爽 (Shaun the Sheep)只係茄喱啡,負責喺《超級無敵掌門狗》(Wallace and Gromit)中過場。今時唔同往日,15年憑電影《超級無敵羊咩咩大電影之咩最勁》(SHAUN THE SHEEP MOVIE)分別獲提名金球獎及奧斯卡最佳動畫,全球票房大收8千幾萬美元,阿爽明顯已成世界級一線明星。雖然好紅,但阿爽個老竇即創作團隊無食老本,新作《超級無敵羊咩咩大電影之天外飛咩》帶阿爽上太空,泥膠定格動畫加科幻元素相當高質,致敬《2001太空漫游》加《ET外星人》及好多經典科幻片場景,小朋友睇羊睇得開心,我睇「黐線爽」亦睇得好快樂。(剛上映)撰文:廖思慧

搵返飛船 LU-LA好快搵返飛船,但當然無咁容易可以返到屋企。
搵返飛船 LU-LA好快搵返飛船,但當然無咁容易可以返到屋企。
麥田怪圈  農場出現麥田怪圈,農場主人唔知點算好。

麥田怪圈 農場出現麥田怪圈,農場主人唔知點算好。



典型定格動畫(stop-motion animation)《超級無敵羊咩咩大電影之天外飛咩》由英國著名動畫公司阿德曼(Aardman Animations)製作,(註︰所謂「定格動畫」,是利用相機將每幀不同的圖像拍攝,拍攝對象為木偶或泥膠公仔,然後連續播放,從而產生動畫效果。)而阿德曼擅長製作以泥膠公仔為主的定格動畫,著名作品有《超級無敵掌門狗》系列及《咪走雞》等。

黐線羊阿爽係一堆羊咩咩嘅大佬,負責諗嘢玩同搵嘢食,有勇有謀超鬼馬。農場保安牧羊犬肶肶負責睇住農場同𥄫住阿爽,唔畀阿爽玩飛碟咩,阿爽會即刻諗到玩第二樣嘢,玩收割車玩空中飛羊,你禁一樣佢再諗第二樣,你咪禁囉。有一日,又藍又閃嘅外星人LU-LA意外穿越銀河系誤墮農場,阿爽同LU-LA雖然雞同鴨講,但因為啱玩好快成為密友,兩隻嘢喺農場玩到癲,而阿爽為助LU-LA返回星球搞到市區亂晒籠,同時間,專捉外星人的特工Red趕到,完全係動畫版《ET外星人》,拍得可愛亦好好笑,結局有洋蒽好溫暖,最重要阿爽今次勁好戲。

發現商機 農場主人睇報紙知道好多人對外星人有興趣,諗到有大商機。

發現商機 農場主人睇報紙知道好多人對外星人有興趣,諗到有大商機。
外星樂園  農場主人將農場改裝為外星樂園搵快錢,每位人頭30歐元。

外星樂園 農場主人將農場改裝為外星樂園搵快錢,每位人頭30歐元。



兩位導演的夢想

聯合導演李察菲蘭和威爾比察表示,《超級無敵羊咩咩大電影之天外飛咩》不僅是電影,更是兩人的夢想。菲蘭笑着說:「老實講,都有好多噩夢般嘅時刻,但一切都值得。」比察透露創作有好大的挑戰,因為有無限可能性,另外因為角色無對白,有些規則亦要跟隨。「我哋要令到角色有趣又好玩,我就係鍾意咁樣嘅創作。」對於能夠創作新類型電影,菲蘭表示美術部所有人都好興奮,「因為佢哋可以盡情發揮科幻諗頭,每個人都已做好準備,創作有史提芬史匹堡的影子,又有史丹力寇比力克味道嘅電影,總之科幻題材就好似一個大百寶袋。」

邪惡特工 因為一個心結,邪惡特工專捉外星人。

邪惡特工 因為一個心結,邪惡特工專捉外星人。
空中飛羊  阿爽係娛樂組大佬,諗嘢玩最叻,例如呢招空中飛羊。

空中飛羊 阿爽係娛樂組大佬,諗嘢玩最叻,例如呢招空中飛羊。
乜都唔畀 牧羊犬肶肶負責農場嘅保安,所以要睇住啲羊唔好做任何危險事,例如玩飛碟。

乜都唔畀 牧羊犬肶肶負責農場嘅保安,所以要睇住啲羊唔好做任何危險事,例如玩飛碟。

鍾意就快D Share啦!