霍汶希表示黎小田是她的恩師，大讚對方是一位音樂奇才。
音樂人黎小田肺癌病逝，終年73歲，今晚在世界殯儀館設靈。英皇老闆楊受成和高層霍汶希（Mani）傍晚到場前來致哀，二人更到後堂瞻仰遺容，半小時便離開。眼紅紅的Mani步出露堂後受訪，她稱：「黎小田都係我恩師，佢帶我入行，佢好提攜後輩，我哋公司每個新人都會先帶畀佢睇，等佢畀吓意見。（最後見面？）小田哥死前一星期，詳情唔講啦，但佢好安詳，佢離世覺得好惋惜，佢係一位音樂奇才！」
有關靈堂內情況，Mani指很平和，但最特別是見到一隻黑色有白點的蝴蝶，由傍晚5點幾到依家都未走，伏在椅上，她說：「我哋成班朋友圍住佢Say Bye Bye。（喪禮儀式？）呢個要問家屬，但我就有為佢諗經，希望佢一路好走！」
而其他圈中好友亦相繼到場，包括陳敏之、胡諾言、麥潔文、江華、莊思明、關寶慧、樂易玲、陳欣健、黃翊、張德蘭夫婦和薛家燕兒子及媳婦等。
來源 source: http://hk.on.cc
|
鍾意就快D Share啦！
|
|
|
