離開做咗七年嘅無綫。
前冬甩成員周梓盈近年喺劇集《愛．回家之開心速遞》飾演「大小姐」林淑敏秘書「垃圾清」，因而成功入屋，點知佢突然喺社交網發文，指要離開工作七年嘅無綫，仲話去或留都唔係佢個人意願：「2019年的最後一天，有一件事想同大家講。因為合約的問題，我最終要離開工作了七年的公司，內心充滿不捨。雖然離開或留低並不是我個人可以決定，但我都感激公司七年來給予我的栽培及機會。回復自由身後，我會先休息一下，再好好思考未來的動向，如果有新的方向會同大家分享。希望大家繼續支持愛回家，期待阿清將來可以再同大家見面。」唔少網友大呼不捨，仲問佢其實係咪暗示被炒。
來源 source: http://hk.on.cc
|
鍾意就快D Share啦！
|
|
|
