2019年12月31日星期二

【期待母子檔】為演出狂練高難度動作　黃建東讚媽咪好有火 __,黃建東,

【期待母子檔】為演出狂練高難度動作　黃建東讚媽咪好有火

阿東和黃媽媽早前拍住上《流行經典50年》。

黃建東和媽媽黃葉慧茵（Diane）最近於《流行經典50年》彈琴唱歌跳舞大獲好評，對於大家得知他原來識彈琴覺得好驚喜，阿東說：「其實我由選港男開始，到歡樂滿東華的卡拉之星，到去年台慶都有表演彈琴，不過可能平時形象太不修邊幅，所以大家遺忘咗我識樂器。其實自己平時有寫流行曲，睇嚟新一年可以推出自己嘅作品以及搵多啲機會展示自己熱愛唱歌彈琴嘅一面。」大家亦對黃媽媽的美貌身材和舞技嘩然，大力鼓勵她加入娛樂圈，阿東卻笑言不想媽咪一把年紀才被推落火坑，不過如果媽咪喜歡做就一定會支持。

今日阿東上載黃媽媽的「720度風車大旋轉」排舞片段，還寫因為今次可以同媽媽上TVB演出好難得，所以黃媽媽不容有失，特別練了一個高難度動作「720度風車大旋轉」，還不停跟TVB舞蹈員練習。雖然最後因為表演拍檔身體不適關係，未能上台表演該動作，但已令東東非常敬佩，「估唔到媽咪去到呢個年紀對表演仲有咁大團火同埋咁有要求，自己有見及此都要加把勁。」網民嘅留言一致讚歎欣賞，還希望黃媽媽可以快些成為一個藝人再跟仔仔合作演出。