搵到人生嘅新目標，就應該全力去追。
台灣名模林志玲自下嫁日本天團EXILE成員AKIRA（黑澤良平）後，雖然其演變成事業未有停下，不過佢近排已不斷透露口風，直言演藝事業已非生活重心，未來會以家庭及慈善事業為主，似乎「去意而決」，努力爭取做個稱職嘅好太太，志玲姐姐隨時同大家Say Goodbye！
林志玲婚後頻頻傳遞正能量，喺接受大陸媒體訪問時，就表明依家要專心自己人生：「包括我的家庭、我的慈善事業好好經營就無怨無悔了！如果鎂光燈現在就關掉了，該下舞台了，我充滿感謝，深深一鞠躬。」一早預告晒將會為咗家庭甘願退下來。當中林志玲又自曝當時同AKIRA結婚係「愛情加上勇氣」，演藝事業已經唔係佢生活重心。
其實早在佢40歲生日時，就曾透露本來預計3年後退休，但因為遇到唔錯嘅工作機會，順延至5年後，因為佢想要迎接人生另一個精彩，點估到佢就正正5年後同AKIRA結婚，實現人生願望。
來源 source: http://hk.on.cc
|
鍾意就快D Share啦！
|
|
|
